Қазақстан Митрополиттік округінің басшысы Мәскеу және бүкіл Русь әулие Патриархы Кириллді туған күнімен құттықтады

20 қараша 2024 жылы Орыс Православие Шіркеуінің Басшысы, Мәскеу және бүкіл Русьтің Әулие Патриархы Кириллдің туғанына 78 жыл толды. Астана және Қазақстан митрополиті Александр Жоғары Мәртебеліні атаулы күнмен құттықтады.

Құттықтау сөзінде былай делінген:

Туған күніңізге орай құттықтауымды қабыл алыңыз!

Сіздің бүкіл өміріңіз “тірі және шынайы Құдайға” толық қызмет ету болып табылады (Евр. 9:14). Орыс Православие Шіркеуінің Басшысы ретінде сіз күшті сенімнің, Құдайға деген жалынды сүйіспеншіліктің және Мәсіх жолындағы жанқиярлық жұмыстың үлгісін көрсеттіңіз. Патриархтық қызметке бар күш-қуатыңызды бере отырып, сіз адамдарға Ізгі хабардың ақиқатын жалықпай үйрете отырып, Құдай сізге сеніп тапсырған діндарларды құтқару жолында сенімді түрде жүргізіп келесіз.

Сіздің алғашқы иерархиялық еңбек жылдарыңыз  Орыс Православие Шіркеуінің канондық кеңістігіне, оның ішінеҚазақстан Республикасы да кіретін елдер мен халықтардың дәстүрлі рухани негіздерін нығайтуға бағытталған маңызды шешімдердің қабылдануымен ерекшеленді.

Сіздің шын мәніндегі жанқиярлық жұмысыңыздың үлгісі архипастырларды, діни қызметкерлер мен қарапайым адамдарды Шіркеу-Анаға қызмет етуде шабыттандырады.

Осы салтанатты күні Сізге, Қасиетті мырза, зор денсаулық, ұзақ өмір және «Иеміздің рақымын» (Яһуда 1:21) тілеймін.

Мейірімді Ием сізге Орыс православие шіркеуі мен Отан игілігі үшін қиын және жауапты патриархтық қызметіңізде өзінің жан-жақты көмегін берсін!