Алматыда Қазақстан Митрополиттік округінің ашық тарихи қоғамының 2025 жылғы бірінші отырысы өтті

12 ақпан 2025 жыл. Алматы. Астана және Қазақстан митрополиті Александрдың батасымен Митрополит Иосиф (Чернов) атындағы рухани-мәдени орталығының мәжіліс залында Қазақстан Митрополиттік округінің ашық тарихи қоғамының жаңа жылдағы бірінші отырысы өтті.

Отырыс жұмысына Қазақстан Православие шіркеуінің істері басқармасының басшысы Қаскелең епископы Геннадийдің төрағалығымен қатысқандар: Оңтүстік астананың Христорождественский соборының кілтшісі, Алматы семинариясының шіркеу тарихы кафедрасының меңгерушісі протоиерей Александр Гайченя; Алматы облысы, Жетіген ауылының әділ Иоанн Кронштадтский атындағы шіркеуінің басшысы протоиерей Вадим Алексеев, әулиелерді заңдастыру жөніндегі Алматы епархиялық комиссиясының мүшесі М. Ивашко, Оңтүстік астананың православие сенушілері.

Жиналысты епископ Геннадий құттықтау сөзімен ашты. Билеуші қатысушыларды алдағы Иемізбен Кездесу мерекесімен құттықтап, отырыстың күн тәртібін жариялады.

Өлкетанушы Е.Морозова жиналғандарға «Саяхатшының көзімен: Албанияның Корча қаласындағы иконалар мұражайы» атты баяндамасын оқыды.

Протоиерей Александр Гайченя 1940-1950 жылдардағы Қарағандыдағы православие қауымының өмірі туралы ақпаратпен бөлісті.

Баяндамадан кейін аймақ тарихына қатысты кең ауқымды мәселелер бойынша пікір алмасу болды.

Кездесу соңында епископ Геннадий жиналғандарға іс-шараға қатысқандары үшін алғысын айтып, алдағы уақытта да жемісті ынтымақтастыққа үміт білдірді.