22 сәуір 2025 жыл. Алматы. Астана және Қазақстан митрополиті Александрдың батасымен Митрополит Иосиф (Чернов) атындағы рухани-мәдени және әкімшілік орталығының фойесінде «Қазақстанның заманауи икон жазуы: мазмұны мен формасы» атты экспозициясының ашылуы өтті.
Экспозиция Қазақстан Митрополиттік округінің канондық мәртебесін бекітудің 15 жылдығын мерекелеуге орайластырылған.
Көрмені Митрополиттік округтің мәдениет басқармасы Алматы епархиясының «Малахит» икона жазу шеберханасымен бірлесіп ұйымдастырды.
Экспозицияның ашылуын Қазақстан Православие Шіркеуінің істері басшысы Қаскелең епископы Геннадий басқарды.
Тұсаукесерге қатысқандар: Астана епархиясының викарийлері – Талдықорған епископы Клавдиан және Талғар епископы Вениамин; Оңтүстік астана шіркеулерінің құрметті өкілі Никольский соборының басшысы протоиерей Валерий Захаров; Құдай Анасының «Барлық қайғырғандарға Қуаныш» белгішесінің құрметіне арналған шіркеу басшысы протоиерей Евгений Воробьев; Метрополиттік округінің бөлімдері мен комиссияларының қасиетті дәрежедегі басшылары, Алматы епархиясы шіркеу округтерінің құрметті өкілдері, Оңтүстік астананың шіркеулерінің бамшылары мен діни қауымы.
Сондай-ақ іс-шараға Алматы епархиясы басқармасының қызметкерлері, Алматы семинариясының оқытушылары мен студенттері, Оңтүстік астанадағы шіркеулердің приходтары қатысты.
Тұсаукесердің қонақтары ғылыми және шығармашылық зиялы қауым өкілдері, өнертанушы ғалымдар мен журналистер болды.
Алматы теологиялық семинариясының тәрбие ісі жөніндегі проректоры иерей Иоанн Ливинский құттықтау сөзін айтты.
Одан кейін шараны ұйымдастырушылардың бірі - «Малахит» икон жазу шеберханасының басшысы диакон Андрей Плетень - көрменің тұжырымдамасы туралы айтып, экскурсия жүргізді.
Экспозицияда Алматы қаласының ең үздік заманауи шеберлері жасаған иконалар мен мозаика ұсынылған. Көрмеге барлығы он алты икон жазушылары мен үш реставратор қатысты. Бейнелер арасында Иеміз Иса Мәсіхтің, Құдайдың анасының, XX ғасырдағы ежелгі әулиелер мен Құдайдың әулиелерінің икондары бар. Өзіндік бірегей стильде жұмыс істейтін авторларды ежелгі канондарға адалдығы және бейнелеу формасы мен бейненің теологиясы арасындағы байланысты терең түсінік біріктіреді.
Тұсаукесер соңында Қаскелең епископы Геннадий ұйымдастырушыларға атқарған жұмыстары үшін алғысын білдіріп, көрме әрбір адамға шіркеу көркем мұрасының бай әлемін ашуға көмектесетініне сенім білдірді.
Алматы епархиясының мәдени-ағартушылық жобаларын жүзеге асыруға көмектескені үшін Митрополит округінің істері басшысы Т.В.Жүргенов атындағы ҚазҰӨА өнертану ғылымының кандидаты, “Бейнелеу өнерінің тарихы және теориясы”кафедрасының профессоры О.В. Батурина мен атақты қазақ суретшісі П.А. Беловке Қазақстан Православ шіркеуінің басшысы Астана және Қазақстан митрополиті Александрдың алғыс хаттарын табыс етті.
«Қазақстанның заманауи икон жазуы: мазмұны мен формасы» атты экспозициясы 22 мамырға дейін жалғасады. Оны кез келген адам тамашалай алады. Кіруі тегін.
Басты бет
Пікір жазу үшін жүйеге кіріңіз немесе тіркеліңіз!
Пікіріңіз сәтті қосылды және оны қазір сайт әкімшілігі қарастырып жатыр