Астана және Қазақстан митрополиті Александрдың төрағалығымен Алматы православиелік рухани семинариясында қабылдау емтихандары өтті

26 тамыз 2025 жыл. Қабылдау емтихандары Алматы православиелік рухани семинариясында өтті. Астана және Қазақстан митрополиті Александр басқаратын аттестаттау комиссиясының құрамына кіргендер: Астана епархиясының Талдықорған епископы Клавдиан, Алматы шіркеулерінің құрметті өкілі, Никольский соборының басшысы протоиерей Валерий Захаров; рухани мектеп ректоры протоиерей Евгений Иванов, тәрбие жұмысы жөніндегі проректор иерей Иоанн Ливинский; оқу жұмысы жөніндегі проректор иерей Петр Бахтияров; ғылыми жұмыстар жөніндегі проректор, философия ғылымдарының кандидаты А.П.Соловьев; Қазақстан Митрополиттік округінің қоғаммен байланыс бөлімінің басшысы, собордың кілтшісі протоиерей Александр Суворов; библия-теологиялық бөлімінің меңгерушісі, теология ғылымдарының кандидаты иерей Олег Лисин; шіркеу-тарихи кафедрасының меңгерушісі протоиерей Александр Гайченя; шіркеу-тәжірибелік бөлімінің меңгерушісі диаеон Владислав Пашков; сырттай бөлімінің меңгерушісі иерей Даниил Бобылев; рухани мектеп канцеляриясының меңгерушісі иерей Александр Шишлов; АПРСхор бөлімінің меңгерушісі В.В. Дударева.

Қазақстан Митрополиттік округінің епархиясынан келген пасторлық және хор бөліміне талапкерлер орыс тілінен жазбаша емтихан және музыкалық тыңдау тапсырды.

Жиын басында Митрополиттік округ басшысы ұстаздар алдында құттықтау сөз сөйлеп, одан кейін протоиерей Евгений Иванов күн тәртібін жариялады. Содан кейін қабылдау комиссиясы талапкерлермен әңгімелесу жүргізді.

Абитуриенттер өздерінің шіркеу-славян тілін, православиелік сенім негіздерін, таңғы және кешкі дұғаларды оқуды, он екі ұлы мерекенің тропариясын және жалпы дұғаларды меңгергулерін көрсетті.

Нәтижелер жарияланғаннан кейін Жоғары Мәртебелі жаңадан келген талапкерлерге архипастарлық ақ батасын беріп, студенттермен әңгімелесіп, семинария өміріндегі өзекті мәселелері талқыланған Ғылыми кеңес отырысын басқарды.