Митрополит Александрдың Алматы семинариясына биыл оқуға түскен студенттерімен кездесуі өтті

1 қыркүйек 2025 жыл. Алматы. Митрополит Иосиф (Чернов) атындағы Қазақстан Митрополиттік округінің рухани-мәдени және әкімшілік орталығының ғимаратында Астана және Қазақстан митрополиті Александрдың қабылдау емтиханының қорытындысы бойынша пасторлық және регенттік бөлімдердің бірінші курсына қабылданған Алматы православиелік рухани семинария студенттерімен кездесуі өтті.

Кездесуге қатысқандар: Алматы семинариясының ректоры, теология ғылымдарының кандидаты, протоиерей Евгений Иванов; оқу ісі жөніндегі проректор иерей Петр Бахтияров.

Кездесуге қатысушылар алдында сөз сөйлеген билеуші митрополит студенттерді рухани оқу орнына қабылдануларымен құттықтап, семинария тарихына шағын экскурсия жасап, көпұлтты және көпконфессиялы Қазақстанда теологиялық білім алудың ерекшеліктері туралы өз ойымен бөлісті.

Митрополиттік  округ Басшысы өз әңгімесінде атап өткен маңызды тақырып – пасторлық қызметке дайындық. Білім алушылар алдында сөз сөйлеген митрополит Александр, атап айтқанда былай деді: «Семинариядағы оқу жылдары өзін Мәсіхтің шіркеуіне қызмет етуге арнағысы келетін жас адамға пасторлық жұмысқа жан-жақты дайындалуға мүмкіндік береді және студентке одан әрі интеллектуалды және рухани дамуы үшін жақсы негіз құруға көмектеседі. Бұл уақыт әрқайсыңыз үшін әртүрлі теологиялық және зайырлы ғылымдарды ықыласпен оқып қана қоймай, сонымен қатар рухани тәжірибені - дұғалар арқылы, қасиетті рәсімдерге қатысу, қасиетті Евхаристияны іштей, терең түсіну арқылы толтыру керек. Бұл баға жетпес тәжірибені жас кезінде алу арқылы адам ішкі күші ұлғайып,  замандастарының сұрақтарына байсалды және нанымды жауап беру қабілетіне ие болады және Православиенің ұлылығы мен сұлулығы туралы алыс-жақындарына батыл түрде  куәлік ететін болады. Күн сайын ой өрісті кеңейтіп, Қасиетті Жазбалар мен әулие әкелер туындыларын, догматиканы, тарихты, әдебиетті, шет тілдерін, музыкалық пәндерді оқып-үйрену қажет. Бірақ сонымен бірге семинарист үшін «№1 аудитория» әрқашан Құдайдың ғибадатханасы болып табылады. Сіздің өміріңіздің осындай парасатты үйлесуі - рухани және интеллектуалдық принциптердің үйлесімді дамуы - сізге айналаңыздағы әлемге әсер ете алатындай, Құдай мен Оның Патшалығы туралы қазіргі қоғамға жарқын және шабыттандыра айта алатындай Мәсіхтің жолындағы лайықты қызметкері болуға көмектессін деп тілеймін. Болашақта адамдардың шіркеуге баруға ұмтылатыны, уағыздардан маңызды сұрақтарға жауап таба алатыны, Иеміз Інжілде бізге бұйырған сүйіспеншілікті шіркеуден таба алатыны мына сіздің дайындық деңгейіңізге  байланысты болмақ. Білім алу – қашанда синергия, ұстаздар мен студенттердің ынтымақтастығы, басшылықтың, тәлімгерлер мен студенттердің ортақ еңбегі. Осы игі іске бірлікте болыңыз, Бас тәлімгер  Мәсіхтің сізге жүктеген жауапкершілікті  ұмытпаңыз», - деді атап айтқанда архипастор.

Кездесуден естелік ретінде Жоғары Мәртебелі әрбір студентке Қасиетті Інжілді және Митрополит округінің 2026 жылға арналған күнтізбесін табыс етті.