Санкт-Петербургте өткен «Сенім және спорт» атты халықаралық форумына Қазақстан Митрополиттік округінің делегациясы қатысты

Мәскеу және Бүкіл Русь Патриархы Кириллдің батасымен 2025 жылдың 9-15 қыркүйегі аралығында Санкт-Петербургте  ізгі кнәз Александр Невский атындағы халықаралық спорт ойындары және «Сенім және спорт» атты халықаралық форумы өтті.

Жарысқа 12-16 жас аралығындағы 2 мыңнан астам спортшы қатысты. 

Ойындар бағдарламасы келесі бағыттар бойынша жарыстарды қамтыды: баскетбол, шағын футбол, үстел теннисі, самбо, скейтбординг, шахмат.

Астана және Қазақстан митрополиті Александрдың батасымен Митрополиттік округтегі жексенбілік мектептердің бір топ оқушылары іс-шараларға қатысты. Жас спортшылар тобын команданың рухани жетекшісі, Алматыдағы Вознесенский кафедралды соборының клиригі протоиерей Александр Иевлев және Петропавл қаласындағы Радонеж гимназиясының қасиетті  Сергий Радонежский атындағы гимназиясының мұғалімі А.В. Фадеева басқарды.

Қазақстан Митрополиттік  округінің атынан ойындарға әртүрлі спорт түрлерінен 12 спортшы қатысты.

11 қыркүйекте жарыс аясында «Сенім және спорт» атты форумы ашылды. Дәстүр бойынша конференцияға спортшылар, жаттықтырушылар, дін қызметкерлері, мемлекеттік қызметкерлер мен жұртшылық жиналып, рухани құндылықтар мен дене шынықтырудың өзара байланысын талқылады.

12 қыркүйекте ізгі  кнәз Александр Невскийдің мерекесі күні Қазақстан Митрополиттік округінің жастар командасы Санкт-Петербургтегі Воскресенский соборында («Төгілген қандағы Құтқарушы шіркеуі ») мерекелік қызметте дұға етті, одан кейін олар жалпы қалалық діни шеруге қатысты. Салтанатты шеруге 100 мыңнан астам адам қатысты.

Солтүстік астанаға сапары барысында протоиерей Александр Иевлев бастаған бір топ спортшы Санкт-Петербургтің киелі жерлеріне қажылық жасап, қаланың көрікті жерлерін аралады.