Алматы және Қазан православиелік рухани семинариялары арасында ынтымақтастық туралы келісімге қол қойылды

24 қараша 2025 жыл. Алматы. Қазақстан Православие Шіркеуінің Басшысы Астана және Қазақстан митрополиті Александр және Қазан және Татарстан митрополиті Кириллдің батасымен Қазақстан митрополиттік округінің митрополит Иосиф (Чернов) атындағы рухани-мәдени орталығында Алматы және Қазан православиелік рухани семинариялары арасында ынтымақтастық туралы келісімге қол қойылды.

Алматы рухани семинариясының ректоры протоиерей Евгений Иванов пен Қазан православиелік рухани семинариясының ректоры иерей Никита Кузнецов қол қойған келісімнің мәтіні Қазақстан митрополиттік округі басшысы мен Қазан митрополиясы басшысы өз қолдарымен және мөрлерімен бекітті.

Келісімге қол қоюға қатысқандар: Минск рухани семинариясының оқытушысы, Минск рухани семинария кітапханасының меңгерушісі, теология ғылымдарының кандидаты архимандрит Никодим (Генералов), Кузбасс православиелік рухани семинариясының жалпы және әлеуметтік мәселелер жөніндегі проректоры протоиерей Алексей Нагорный, тәрбие жұмысы жөніндегі проректор иерей Иоанн Ливинский, оқу жұмысы жөніндегі проректор иерей Петр Бахтияров, ПРСА ғылыми жұмыстар жөніндегі проректоры, философия ғылымдарының кандидаты А.П.Соловьев; рухани мектептің шіркеулік-тәжірибелік кафедра меңгерушісі, теология ғылымдарының кандидаты диакон Владислав Пашков; рухани мектеп кеңсесінің меңгерушісі иерей Александр Шишлов.

Қол қойылған келісімнің арқасында Қазақстан мен Қазанның негізгі рухани мектептері өзара қызығушылық тудыратын мәселелер бойынша бірлескен конференциялар, семинарлар, дөңгелек үстелдер мен сарапшылық кездесулер, бірлескен зерттеулер, оқу-әдістемелік, мәдени-ағартушылық және ақпараттық-түсіндіру бағдарламалары жүргізетін болады.

Жұмыс кездесуі барысында рухани мектептер арасындағы ынтымақтастық мәселелері талқыланды.

Достық пен жылы шырайда өткен кездесу соңында қатысушылар естелік сыйлықтармен алмасты.