Астана және Алматы епархияларының делегациясы XXXIV Халықаралық Рождестволық білім беру оқуларына қатысты

Мәскеу және бүкіл Русь Патриархы Қасиетті Кириллдің батасымен және Орыс Православие Шіркеуінің Қасиетті Синодының шешімін орындау аясында 2026 жылғы 25–29 қаңтар аралығында Мәскеу қаласында «Ағарту мен адамгершілік: тұлғаны қалыптастыру және уақыттың сын-қатерлері» тақырыбындағы XXXIV Халықаралық Рождестволық білім беру оқулары өтті.

Форумның Мемлекеттік Кремль сарайында өткен ашылу салтанатын Қасиетті Патриарх Кирилл басқарды. Ресей Федерациясы Президенті В.В. Путиннің құттықтауын Ресей Федерациясы Президентінің Орталық федералдық округтегі өкілетті өкілі И.О. Щеголев оқып жеткізді.

Ғылыми жиынға Орыс Православие Шіркеуінің архипастырлары мен дін қызметкерлері, Православие Жергілікті Шіркеулерінің өкілдері, Ресейдің Дінаралық кеңесінің мүшелері, Ресей Федерациясы Президентінің федералдық округтердегі өкілетті өкілдері, федералдық және өңірлік мемлекеттік органдардың өкілдері, Ресей мен шетелдің жоғары оқу орындарының ректорлары мен оқытушылары, жалпы білім беретін ұйымдардың директорлары мен педагогтары, приход мамандары және мәдениет қайраткерлері қатысты.

Астана және Қазақстан митрополиті Александраның батасымен Астана-Алматы епархиясының делегациясын Астана епархиясының викарийі, Талдықорған епископы Клавдиан басқарды. Делегация құрамында болғандар: Алматыдағы Христорождественский соборының кілтшісі протоиерей Александр Гайченя; Қазақстан православ дәрігерлері қоғамының төрағасы протоиерей Анатолий Измеров; Серафимо-Феогностов Ақсай ерлер монастырінің басшысы, игумен Трифон (Печковский); Қазақстан Митрополитиік округінің қайырымдылық және әлеуметтік қызмет жөніндегі комиссиясының төрағасы, протоиерей Вячеслав Пугачевтің жетекшілігімен Алматы епархиясының әлеуметтік қызмет волонтерлері мен мейірімділік әпкелері; Алматы епархиясының «Православ әйелдер одағының» төрайымы Н. Гайченя; директоры Г.В. Черепанова бастаған Алматы қаласындағы Орталық жексенбілік мектептің оқытушылары.

Епархия өкілдері түрлі конференциялар мен дөңгелек үстелдерге қатысты.

Оқулар аясында XXI Халықаралық «Құдай жаратылысының сұлулығы» балалар шығармашылығы байқауының жеңімпаздарын марапаттау рәсімі өтті.

29 қаңтар күні өткен жабылу салтанатында ғылыми форумның қорытынды құжаты оқылды. Қорытынды отырыс «Ұлы жеңістер жолымен» атты концертпен аяқталды.