Қарағанды қаласында Қазақстан Православие Шіркеуінің өмірін баяндайтын «Қызмет ету» деректі фильмінің көрсетілімі өтті

21 қазан 2024 жыл. Карағанды қаласы. Астана және Қазақстан митрополиті Александрдың батасымен «Kinoplexx»  кинотеатрында Қазақстан православие шіркеуінің ісі жайлы баяндайтын «Қызмет ету» деректі фильмінің көрсетілімі өтті.

Іс-шараны ұйымдастырушы – Президент Г.Г. Сосновский басқаратын «Апостол» қоғамдық қоры және Қарағанды епархиясының ақпарат бөлімі.

Фильмнің көрсетілімінде болғандар: Қарағанды ​​Шіркеу округінің құрметті өкілі протоиерей Александр Угольков пен Епархия басқармасының хатшысы протоиерей Дмитрий Патрикеев, ғылыми және шығармашылық зиялы қауым өкілдері, өнертанушылар мен журналистер қатысты. Шамамен 145 адам фильмнің көрермені болды.

Фильмді түсіру жұмысы Президент Г.Г. Сосновский басқаратын «Апостол» қоғамдық қорының қатысуымен Астана және Қазақстан митрополиті Александрдың батасымен жүргізілді. Құрамында қазақстандық және шетелдік мамандар, Алматы теологиялық семинариясының әкімшілігі және Қазақстан митрополиттік округінің қызметкерлері бар түсірілім тобы 2023 жылы бірнеше ай бойы Астана, Алматы және Қарағанды, Алматы, Ақмола және Қарағанды ​​облыстарында жұмыс істеді.

Фильм Қазақстан православие шіркеуінің рухани-ағартушылық, әлеуметтік, қайырымдылық және бітімгершілік қызметі туралы баяндайды, конфессияаралық диалог және шіркеудің мемлекет және қоғаммен қарым-қатынасы туралы айтылады. Фильм ХХ ғасырдағы саяси қуғын-сүргін тақырыбына ерекше тоқталып, қазақ халқының республика аумағында қуғын-сүргінге ұшырап, лагерьлерде болған жазықсыз адамдарға көрсеткен көмегін айғақтайды. Иерархтармен және дінбасылармен, Қазақстанның көрнекті қоғам қайраткерлерімен және еліміздің қарапайым азаматтарымен жұргізілген сұхбаттар тарихи және мәдени көрікті жерлерді көрсетумен, Қазақстан табиғатының қайталанбас көріністерімен ұсынылады.

Фильмнің қоюшы-режиссері –  марқұм әйгілі ресейлік жазушы Андрей Андреев. Режиссер 2024 жылдың 4 маусымында өмірден өтті. Ол авторлық деректі кинолар түсірді. Олардың ішінде «Халық дәрігері», «Құдайдың балалары», «Патриархалдық хор», тақырыптық цикл «Пасторлар»: «Пасторлар», «Пасторлар. Варезе», «Пасторлар. Сардиния», «Пасторлар. Милан». Оның Италиядағы православиелік діни қызметкерлер, монахтар мен дінсіздердің өмірі туралы «Пасторлар» фильмі 2021 жылы Милан кинофестивалінің Premio Felix (Премио Феликс) «Үздік деректі фильм санатында бас жүлдені алды.

Бұған дейін  «Қызмет ету» фильмінің көрсетілімі 16  қазанда Павлодар қаласында болды. Көрермендер деректі фильмге жоғары баға берді.