Қазақстан Православие Шіркеуінің Басшысы Республика мұсылмандары діни басқармасының төрағасын Рамазан айының келуімен құттықтады

1 наурыз 2025 жыл. Қазақстан Православие Шіркеуінің Басшысы Астана және Қазақстан митрополиті Александр Қазақстан мұсылмандары діни басқармасының төрағасы, Бас мүфти Наурызбай қажы Тағанұлын қасиетті Рамазан айының басталуымен құттықтады:

Сізді және барша Қазақстан мұсылмандарын барша Ислам дінін ұстанушылар үшін дұғалар мен мейірімге толы ерекше уақыт – қасиетті Рамазан айының басталуымен шын жүректен құттықтаймын. 

Жылдың осы кезеңінде әрбір мұсылман өзін таза ұстауға, жақындарына белсенді қамқорлық көрсетуге, мұқтаждарға көмектесуге, отбасылық байланыстар мен достықты нығайтуға тырысады, бұл бүкіл қоғамның өміріне оң әсер етеді. Еліміздің көпұлтты және көпконфессиялы халқының күші бірлікте, бауырластықта және тату көршілікте.

Биылғы жылы да өткен жылғыдай Рамазан айы Ұлы пост күндерімен тұспа-тұс келіп отыр. Мұсылмандар мен православиелік христиандар – құтты Қазақстанның екі жетекші тарихи конфессиясының ізбасарлары – бір уақытта ежелгі институттар мен дәстүрлерді сақтайды,  игі істерді жасайды және соның ішінде - Ұлы даланың тыныштығы мен гүлденуі үшін 

жалынды дұғалар жасайды. Мемлекет басшысы, аса құрметті Қасым-Жомарт Кемелұлы Тоқаев: «Қазақстан халқы түрлі өркениеттер мен діндердің дәстүрін, төзімділік пен ашықтық қасиеттерін қабылдады. Сондықтан «бірлігіміз – әралуандықта» қағидаты еліміздің негізгі ұстанымына айналды».

Ұлы Жаратушының шапағатымен жерімізде конфессияаралық татулық пен ұлтаралық келісім барша қазақстандықтардың игілігі мен игілігі үшін әрдайым гүлдене берсін.

Сізге, құрметті Мүфти Хазірет және Республиканың барша мұсылмандарына денсаулық, бейбітшілік және амандық тілеймін!