Астана және Қазақстан Митрополиті Александрдың Қазақстан халқы Ассамблеясының 30 жылдығымен құттықтауы

1 наурыз 2025 жылы Астанадағы бейбітшілік және келісім сарайында Қазақстан халқы Ассамблеясының мерейтойлық жылының ашылуы өтті. Астана және Қазақстан митрополиті Александр Қазақстан Республикасының Президенті – Қазақстан халқы Ассамблеясының Төрағасы Қ-Ж.К. Тоқаевқа осы тарихи күнге орай  құттықтауын жолдады.

Құттықтауда, атап айтқанда, былай делінген:

«30 жыл ішінде Қазақстан халықтарының Ассамблеясы этностарды біртұтас халыққа біріктіру ісінде елеулі нәтижелерге жетті, рухани бірлік пен этностық келісім идеяларын жүзеге асырып, отаншылдық сезімін дамытып, нығайтты.

Әлемде теңдесі жоқ Ассамблея Қазақстанның саяси-қоғамдық жүйелерінің толыққанды субъектісіне, ел халықтарының өзара түсіністігінің, сыйластығы мен достығының символына және халықтық дипломатияның шынайы институтына айналды.

Өзіңіздің бір үндеуіңізде Сіз мынадай сөздер айтқан едіңіз: «Татулық пен келісім тек мемлекеттік саясатта емес, қоғамда, үйде, ұжымда, жалпы, барлық жерде дәріптелуі қажет. Бұл жалаң ұран емес, әр азаматтың күнделікті ұстанымы болуы керек». Өзінің бейбітшілік орнату, мәдениет және әлеуметтік-гуманитарлық миссиясында Православие шіркеуі Қазақстан халықтары Ассамблеясының қоғамда бейбітшілік, бірлік және дәстүрлі рухани-адамгершілік құндылықтарды нығайту жолындағы еңбектеріне қолдау көрсетеді».

Митрополит Александр Қасым-Жомарт Кемелұлы Тоқаевқа және Ассамблея мүшелеріне денсаулық, күш-қуат және туған Қазақстанның игілігі жолындағы жұмыстарына сәттілік тіледі.