Қазақстан Митрополиттік округі Басшысының Наурыз мейрамымен құттықтауы

Ежелгі дәстүр бойынша Наурыз мейрамы Қазақстанда 21-23 наурызда тойланады. 2001 жылдан бастап ол мемлекеттік мереке мәртебесін алды. Қазақстан Православие шіркеуінің басшысы, Астана және Қазақстан митрополиті Александр қазақстандықтарды Наурыз мейрамымен құттықтады:

Наурыз мейрамы қазақстандықтардың өмірінде ерекше орын алатын, көктемгі жаңару мен құнарлылықтың, бірлік пен достықтың мерекесі.

Ғасырлар бойы Ұлы даланы мекендеген сан алуан ұлт өкілдері өз жетістіктерін осы күнмен өлшеп, болашаққа жоспар құрған. Наурыз мейрамы халқымызды ізгілік пен мейірімге шақырады, сондықтан да ол әркез татулықтың, ел азаматтарының достығы мен бірлігінің белгісі болып қала бермек.

Наурыз бүгінде қоғамымыздың өмірінде маңызды біріктіруші рөл атқарады және барша қазақстандықтар үшін бірдей қымбат.

Осы салтанатты мерекеде баршаңызға денсаулық, бақ-береке, жұмыстарыңызға табыс, ал ортақ үйіміз – құтты Қазақстанға бейбітшілік пен өркендеу тілеймін.

Қазақстан Православие Шіркеуінің Басшысы Қазақстан Президенті Қ.-Ж.К. Тоқаевқа, ел басшылығына, парламент депутаттарына, облыс, қала әкімдеріне Наурыз мерекесіне орай өзінің құттықтауын жолдады.