Иеміз Құдай және Құтқарушымыз Иса Мәсіхтің көкке көтерілуі

29 мамыр 2025 жыл – Иеміз Құдай және Құтқарушымыз Иса Мәсіхтің Көкке Көтерілуінің он екінші мейрамы.

Астана және Қазақстан митрополиті Александр Патриархалдық қоналқалық үйінде – Миусидегі қасиетті шейіттер Вера, Надежда, Любовь София шіркеуінде – Қазақстан Православие шіркеуінің Мәскеудегі Өкілдігінде Құдайлық Литургияны өткізді.

Қазақстан Митрополиттік округінің Басшысына қызмет еткенднр: Алматы теологиялық семинариясының проректоры, теология ғылымдарының кандидаты, медицина ғылымдарының докторы, профессор игумен Агафангел (Гагуа); қасиетті шейіттер Вера, Надежда, Любовь және олардың анасы София атындағы шіркеудің кілтшісі иеромонах Антоний (Дробязко) және ауланың клириктері.

Анна Рожнованың жетекшілігімен шіркеу хоры ән шырқады.  Қызмет Иеміз Құдайдың Көкке Көтерілуін мадақтаумен аяқталды. Митрополит Александр дін қауымын, өкілдік қызметкерлерін және приходтарды он екінші мейрамы мерекесімен құттықтап, уағызын айтты.

"Бүгін біз Иеміз Құдайдың бізді жұбататын, жігерлендіретін және адам рухына күш беретін керемет уәдесін естідік. Құтқарушының бұл сөздері Қасиетті Ізгі хабарда сенушілердің барлық ұрпақтары үшін жазылған: "Мен әрқашан, тіпті заманның соңына дейін сендермен біргемін". Осы ұлы шындықтан асқан қуанышты не бар? Иеміз Құдай бізбен бірге мәңгі өмір сүреді, Ол өзі негізін қалаған Шіркеуге үнемі келеді. Ол өзінің баи екенін православиелік христиандарға Қасиетті құпияларда білдіртеді, оған қатысу арқылы адам шынайы, тиімді түрде Құдайдың рақымына ие болады.

Бұл, әсіресе, шын жүректен тәубемізге келгеннен кейін, кішіпейілділікпен және жүректен шыққан өкінішпен Өмір тостағанына жақындап, Иеміздің тәні мен қанынан дәм татқанда сезіледі.

Дәл осы сәттерде біз Құдайдың тағдырымызға шын мәнінде қатысатындығын жақын сезінеміз, рухани тәжірибе аламыз, сенімімізді нығайтып, Иеміз Құдайдың бізбен бірге болғанынан мол қуаныш аламыз. Шынында да, Мәсіх Өзі негізін қалаған, Өзінің қанымен қол жеткізген және "қақпалары жеңе алмайтын" Шіркеуінде бар екені рас. Құдаймыз Көкке Көтерілгеннен кейін әрқашан Оған сенетіндермен бірге болатынын, бізді барлық зұлымдықтан сақтап, жерден көкке көтеретіні бізді жұбатады". Митрополит Александрдың уағызынан.

ҚАЗАҚСТАНДАҒЫ ПРАВОСЛАВИЕ ШІРКЕУІ

Иеміз Құдай және Құтқарушымыз Иса Мәсіхтің көкке көтерілуі

Жаңалықтар тізбегі