Кузбасс митрополитінің делегациясы Алматының киелі орындарында болды

2 шілде 2025 жылы Кузбасс митрополитінің қажылық делегациясы Алматының қасиетті орындарында болды. 

Делегация құрамында болғандар: Кемерово епархиясының викарийі епископ Гурьевский Даниил, Кемерово епархиясы басқармасының хатшысы протоиерей Дмитрий Мошкин, Кузбасс православиелік рухани семинариясының ректоры иерей Андрей Мояренко.

Оңтүстік астананың киелі жерлеріне экскурсия Қазақстанның тарихи-сәулет ескерткіші Вознесенский кафедралды соборына барудан басталды. Астана және Қазақстан митрополиті Александрдың батасымен Алматының бас ғибадатханасына экскурсияны собордың кілтшісі, Митрополиттік округі қоғаммен байланыс бөлімінің басшысы протоиерей Александр Суворов жүргізді.

Александр әке қонақтарға шіркеудің салыну тарихы туралы айтып, сәулет өнерінің бірегейлігін, қаланың рухани өміріндегі собордың тарихи рөлі мен маңызын атап өтті. Пастор шіркеуде 2017-2020 жылдары жүргізілген ауқымды кәсіби қалпына келтіру жұмыстарына толықтай тоқталды. Барлық жұмыстар Қазақстан, Ресей, Сербия, Италия, Германия, Франциядан жоғары деңгейдегі кәсіби мамандар тартылып, Қазақстан Республикасы Мәдениет министрлігі мен ЮНЕСКО-ның бақылауымен жүргізілгенін айтты. Протоиерей Александр «Рухани жаңғыру» президенттік бағдарламасында Вознесенский кафедралды соборы Қазақстанның 100 ұлттық киелі нысандарының тізіміне енгізілгенін атап өтті. Кузбасс митрополитінің өкілдері Ресей Суретшілер одағының мүшесі В.К. Курилов жетекшілігімен дарынды палех изографтарымен безендірілген ғибадатхананың сыртқы келбеті және интерьерінің көркемдігі мен әсемдігін атап өтті. Экскурсия соңында қажылар собордың жәдігерлері алдында шырақ жақты.

Экскурсияны жалғастыра отырып, қонақтар Ликийлық Мир архиепископы Әулие Николай соборында болды.

Делегация мүшелері Қазақстанның көктегі қорғаушысы - Алматы митрополиті, діни қызметкер Николайдың қасиетті жәдігерлері алдында дұға етті және Оңтүстік астанадағы ең көне ғибадатхананың киелі жәдігерлеріне, соның ішінде ұлы шейіт пен шипагер Пантелеимон, ұлы шейіттер Николай және Варвара жәдігерлеріне тағзым етті.

Қалалық шіркеу округінің құрметті өкілі, собор басшысы протоиерей Валерий Захаров приход өмірі, Орталық жексенбілік мектебінің жұмысы, «Мейірім» әлеуметтік-қайырымдылық қызметі жайлы және қажылық бөлімінің жобалары туралы айтып берді.

Делегация мүшелері Алматыдағы Иверско-Серафимовский әйелдерге арналған монастырде болды. Кузбасс митрополитінің өкілдері монастырьдің басты шіркеуі  –  православиенің ұлы жәдігерлері  – ұлы шейіт пен емші Пантелеймонның, шейіт болған Вера, Надежда, Любовь және София, Мәскеудің киелі Матронасы, Софияның реликтерінің бөліктері орналасқан  Панора шейіті Агафии, сондай-ақ православие халқы құрмет тұтатын ақсақал-әулие Митрополит Иосифтің (Чернов) қабірі орналасқан әулие София соборында болды.

Қажылық соңында епископ Даниил делегация мүшелері атынан протоиерей Александр Суворовтан Астана және Қазақстан митрополиті Александрға алғыс сөздерін жеткізуді өтінді, сондай-ақ Қазақстанның Православие Шіркеуі мен Кузбасс митрополиті арасындағы ынтымақтастықтың одан әрі нығаюына сенім білдірді.