Митрополиттік округ Басшысы Лися балкада қаза тапқан шымкенттік жаңа шейіттердің құрметіне салынып жатқан мемориалдық шіркеуде болды

20 қараша 2025 жыл. Шымкент. Астана және Қазақстан митрополиті Қазақстан Митрополиттік округінің басшысы Александр Мәскеу және бүкіл Русь Патриархы қасиетті Кириллдің бастамасымен және батасымен салынып жатқан Шымкенттің жаңа шейіттерінің құрметіне арналған мемориалдық шіркеуге барды.

Жоғары Мәртебеліні алып жүргендер:  Шымкент және Түркістан епископы Хрисанф, Астана епархиясының викарийі Талдықорған епископы Клавдиан,  Алма және Шымкент епархиясының діни қызметкерлері.

Митрополит Александр мемориалдық шіркеу құрылысының барысын тексеріп, Шымкент қаласы әкімінің орынбасары Сәрсен Абайұлы Құранбек қатысқан жұмыс кеңесін өткізді.

Епископ Хрисанф билеуші митрополитті электр қондырғысының аяқталуы, еденнің соңғы қабатының құйылуы, қасбеттерді травертинмен қаптауға дайындық және шағын күмбездерді орнату жөніндегі дайындықты хабарлады.

Митрополиттік округ Басшысы атқарылған жұмыстарға жоғары баға беріп, алдағы айларға арналған іс-шаралар жоспарымен танысты.

Кездесу соңында архипастор шіркеу құрылысына белсене атсалысқан баршаға алғысын білдіріп, архипастар және дін қызметкерлерімен бірге құрылыстың сәтті әрі тез аяқталуы үшін дұға жасады.