Қазақстан Митрополиттік округінің Басшысы Оңтүстік астананың басты ғибадатханасында Богоявление мерекесіне орай түні бойы сергектік өткізді

18 қаңтарда 2026 жылы, Қасиетті Богоявление — Иеміз Құдай және Құтқарушымыз Иса Мәсіхтің Шомылдыру рәсімі қарсаңында Астана және Қазақстан митрополиті Александр Алматының Вознесенский кафедралды соборында мерекелік түні бойы сергектікті (всенощное бдение) өткізді.

Қазақстан Митрополиттік округінің Басшысына Вознесенский кафедралды соборының дін қызметкерлері қызмет етті.

Мерекелік әндерді Ресей Федерациясының еңбек сіңірген өнер қайраткері, Патриархтық шіркеулік-қоғамдық кеңестің шіркеулік ән айтуды дамыту жөніндегі мүшесі О.Н. Овчинниковтың жетекшілігімен Митрополиттік округ хоры және Е. Богуславецтің жетекшілігімен Вознесенский соборының хоры орындады.

Шіркеу Жарғысына сәйкес, Богоявление қарсаңындағы түнгі сергектік Рождество мерекесінің құлшылығына ұқсас тәртіппен атқарылады. Құлшылық ұлы кешкі жоралғымен басталып, онда Иса пайғамбардың салтанатты әні айтылады: «Құдай бізбен бірге, мұны ұғыныңдар, халықтар, және мойынсұныңдар, өйткені Құдай бізбен бірге!» Кешкі жоралғы литиямен (күшейтілген дұға) және нанды, шарапты, бидайды және зәйтүнді (майды) қасиеттеумен аяқталады.

Таңғы құлшылықта, Иордан өзенінде Қасиетті Иоанн Предтечи арқылы Мәсіхтің Шомылдыру рәсімі туралы баяндайтын Інжіл үзіндісі оқылғаннан кейін, митрополит Александр жиналған қауымға архипастырлық уағызын айтты.

Таңсәріде Богоявление каноны «Тереңдіктердің түбін аштың» орындалғанда, митрополит дін қызметкерлері мен Иеміздің Шомылдыру бнлгішесіне тағзым еткен жамағатты қасиетті елеймен майлады.

19 қаңтарға қараған түні, Иеміздің Шомылдыру мерекесінде, Қазақстан Православие Шіркеуінің Басшысы Алматыдағы Вознесенский кафедралды соборында ерте орындалатын Құдайлық Литургияны суды ұлы дәрежеде қасиеттеу рәсімімен бірге өткізетін болады.

Құлшылықтың басталуы 22:30.