Қазақстан Митрополиттік округінің Басшысы Мәскеу және бүкіл Русьтің Святейші Патриархы Кириллді интронизациясының кезекті жылдығымен құттықтады

1 ақпан 2026 жыл -  Мәскеу және бүкіл Русьтің Қасиеті Патриархы Кириллдің интронизациясының 17 жылдығы.

Астана және Қазақстан Митрополиттік округінің митрополиті Александр Русь Православие Шіркеуінің Жоғары Басшысына құттықтау жолдады:

Жоғары Мәртебелі,  аса құрметті Әмірші!

Сізді Патриаршылық интронизацияңыздың кезекті жылдығымен шын жүректен құттықтауға рұқсат етіңіз.

Қасиетті Рухтың еркімен әрі Русь Православие Шіркеуінің соборлық сайлауымен Сіз Мәскеу Бірінші иерархтары жолын жалғастырушы болып тағайындалдыңыз. Адамдардың жүрегін «тірі әрі шынайы Құдайға» (1 Фес. 1:9) бағыттай отырып, мәңгілік Қасиетті Інжіл ақиқаттарын сөзбен де, іспен де куәландыра отырып, Сіз Ана-Шіркеудің игілігі жолындағы тынымсыз қамқорлықтың, айрықша еңбекқорлық пен рухани беріктіктің шабыттандыратын үлгісін көрсетіп келесіз. Өз күш-қуатыңыз бен дарыныңызды түгелдей Қасиетті Шіркеуге қызмет етуге арнай отырып, Сіз Христос Сізге сеніп тапсырған қауымды құтқарылу айлағы — Аспан Патшалығына бастап келесіз. Сіздің тынымсыз еңбегіңіздің арқасында шіркеу мен мемлекет арасындағы және дінаралық диалогтар табысты дамып келеді, православие халықтарының бірлігін нығайту, әлемдік Православиені қорғау және қазіргі қоғамда мәңгілік рухани-адамгершілік құндылықтарды орнықтыру ісіндегі Сіздің үлесіңіз орасан зор.

Бірінші иерархтық қызметті атқара отырып, Сіз, Жоғары Мәртебелі, зор ықылас пен қастерлеумен «Құдайымыздың құтқарылуын күн сайын уағыздап келесіз» (Пс. 95:2).

Сіздің Патриархтық жетекшілігіңізбен қызмет етіп жүрген архипастырлар, пастырлар, монашестволық қауым мен сенушілер Сіздің Құдайға түгелдей арналған өміріңіздің жарқын үлгісін көруде. Осы айтулы күні Қазақстандағы қауымыңыз бір ауыздан, бір жүрекпен Жаратқан Иеге Сіздің денсаулығыңыз бен амандығыңыз үшін жалынды дұғаларын жолдайды, Ол Сізді «күшпен келген Құдай Патшалығының» (Мк. 9:1) Інжілін уағыздау жолында ұзақ ғұмырмен қуаттандырғай.

Ең Қасиетті Құдай Анасының шапағаты және Қазақстан жерінде жарқыраған барлық әулиелердің қолдауы арқылы, аса мейірімді Жаратқан Ие Сізге Русь Православие Шіркеуінің игілігі жолындағы аса қиын әрі жауапты Патриархтық қызметті атқаруда Өзінің рақым-көмегін сыйласын.