Қаскелең епископы Геннадий өзінің көктегі қамқоршысының күнін дұғамен атап өтті

5 ақпан 2026 жыл -  қасиетті Геннадий Костромской және Любимоградскийді еске алу күні, Кострома әулиелерінің соборын ұлықтау мерекесі.

Астана және Қазақстан митрополиті Александрдың батасымен Қазақстан Православие Шіркеуінің істері басшысы Қаскелең епископы Геннадий Алматы қаласындағы Владимирский храмында Құдайлық Литургияны өткізді.

Жоғары Мәртебеліге қызмет еткендер: Алматы храмдарының құрметті өкілі, Никольский соборының басшысы, богословия кандидаты, митрофорлы протоиерей Валерий Захаров; Владимир шіркеуінің кілтшісі иеромонах Сергий (Внуковский), иерей Роман Кравченко, Мынбаев кентіндегі Иоанн Богослов храмының басшысы иерей Валерий Белясников; иеродиакон Афанасий (Козел), диакон Виталий Быструшкин, диакон Иоанн Чуркин, диакон Александр Пивень, диакон Даниил Пасюк.

Құдайлық қызмет кезіндегі шіркеулік әндерді Владимирский храмы хоры орындады.

Литургия барысында приходтың бас ктиторы С.В. Киселев және Баганашыл шағынауданының тұрғындары дұға қылды.

Евхаристиялық каноннан кейін архипастырь Алматы епархиялық басқармасының референті Макарий Белицкийге диакондық тағайындау рәсімін  жасады.

Құлшылық соңында  Костромский және Любимоградский қасиеттісі Геннадийге, ғажайыптар жасаушыға, сондай-ақ Кострома жерінде нұр шашқан әулиелер Соборына арнап ұлықтау орындалды.

Протоиерей Валерий Захаров бірге қызмет еткен дін қызметкерлері мен прихожандар атынан епископ Геннадийді есімдер күнімен құттықтап, оған жан мен тәннің қуатын, сондай-ақ Қасиетті Шіркеуге қызмет етуінде Құдайдың рақымды көмегін тіледі.

Қазақстан Митрополиттік округінің істері басшысы жиналған қауымға ізгі тілектер мен дұғалық қолдау үшін шынайы алғысын білдіріп, одан кейін уағызын айтты.

Қазақстан Православие Шіркеуінің Басшысы, Астана және Қазақстан митрополиті Александр телефон арқылы әмірші Геннадийді көктегі қамқоршысының еске алу күнімен құттықтап, оған зор денсаулық және Құдайдың мейірімін тіледі.