Астана және Қазақстан митрополиті Александр Астана құрметті өкілдігіне қарасты клириктер мен қызметкерлерге шіркеулік наградаларды табыс етті

19 ақпан 2026 жыл. Астана.

Қазақстан Митрополиттік округінің қасиетті апостолдарға тең Кирилл мен Мефодий атындағы рухани-мәдени орталығының камин залында Қазақстан Православие шіркеуінің марапаттарын тапсыру рәсімі өтті.

Салтанатты жиынды Астана және Қазақстан митрополиті Александр басқарды.

Шіркеулік марапаттарға 2025 жылғы 17–18 қыркүйекте Астанада өткен әлемдік және дәстүрлі діндер көшбасшыларының VIII Съезіне қатысқан Мәскеу және бүкіл Русь Патриархы Кириллдің елордаға сапарын ұйымдастыруға және өткізуге белсене атсалысқан Астана құрметті өкілдігінің клириктері мен қызметкерлері лайық деп танылды. 

Марапаттау рәсіміне Астана приходтарының құрметті өкілі архимандрит Сергий (Карамышев) қатысты.

Салтанатты бөлім басталар алдында митрополит Александр жиналғандарды Иеміз Құдайдың Сретение мерекесінің соңғы күні және Масленица аптасымен құттықтады.

Архипастырь өз сөзінде:

«2025 жылы Қазақстан Православие шіркеуінің өміріндегі ең маңызды оқиға – Мәскеу және бүкіл Русь Патриархы Кириллдің Республикаға сапары болды. Ел Президенті Қ.-Ж.К. Тоқаевтың шақыруымен Жоғары Мәртебелі қыркүйек айының ортасында Астанада өткен әлемдік және дәстүрлі діндер көшбасшыларының VIII Съезіне қатысты. Қазақстанға жасалған бұл Жоғары Басшысының сапары тарихи мәні зор рухани оқиға болды деп толық сеніммен айтуға болады. Ол шіркеу өмірінің одан әрі дамуына қуатты серпін беріп, Ұлы Дала жеріндегі Православиенің нығаюына қызмет етті. Патриарх сапарын ұйымдастыру мен өткізуге тікелей қатысқан баршаңызға шынайы алғысымды білдіремін. Сіздер – Астана епархиясында да, бүкіл Қазақстан Митрополиттік округінде де шіркеу өмірінің әр саласын нығайтуға бағытталған еңбекті бірге көтеріп жүрген жақын көмекшілерімсіздер. Бұл жолда қызмет ететін әрбір адам – дәрежесіне, лауазымына немесе өкілеттілігіне қарамастан – ерекше жауапкершілік арқалайды», – деп атап өтті.

Құттықтау сөзінен кейін митрополит шіркеулік марапаттарды табыс етті.

«Ынталы Қызмет Үшiн» орденімен марапатталғандар: Успен кафедралдық соборының кілтшісі иеромонах Димитрий (Байдек), Константино-Еленинский соборының кілтшісі протоиерей Сергий Калиев, құрметті өкілдің көмекшісі иерей Сергий Дианов, диакон Николай Горячев және елордадағы Успен кафедралдық соборы хорының регенті Ольга Варенцова.

«Ынталы Қызмет Үшiн» медалі Константино-Еленинский соборының клириктері иерей Николай Коваль мен иерей Владислав Коваленкоға табыс етілді.

Успен кафедралдық соборының клиригі иерей Андрей Парфенов «Еңбек Үшiн» медалімен марапатталды.

Шіркеулік назар белгілері Астана құрметті өкілдігінің әншілері мен қызметкерлеріне табыс етілді.

Митрополит Александр марапатталғандарды шын жүректен құттықтап, оларға денсаулық, ұзақ ғұмыр және Жаратқан Иенің мейірімін тіледі.