Қазақстан Митрополиттік округінің дін қызметкерлері мен жамағат өкілдері Қасиетті Жерге қажылық сапар жасады

2026 жылдың 12–18 ақпан аралығында Қазақстан Православие Шіркеуінің Басшысы Астана және Қазақстан митрополиті Александрдың батасымен Қазақстан Митрополиттік округінің дін қызметкерлері мен жамағат өкілдерінің Қасиетті Жерге қажылық сапары өтті.

Қажылық сапар «Eleos-Meirim» қоғамдық қорының (президенті – В.М. Капсамун) қолдауымен ұйымдастырылды.

Қажылар тобын Ақтөбе және Қызылорда епископы Игнатий басқарды, құрамда болғандар: Іле шіркеу округінің құрметті өкілі протоиерей Александр Зырянов, Алматы Православие діни семинариясының тәрбие ісі жөніндегі проректоры иерей Иоанн Ливинский, Алматы қаласындағы Қазан соборының клиригі иеромонах Исаак (Истелюев), Өтеген батыр кентіндегі Адриано-Наталиевский шіркеуінің клиригі иерей Вячеслав Сидоровский, Митрополиттік округтің мәдениет бөлімінің жетекшісі иерей Богдан Бойко, диакон Александр Воронин, диакон Рустик Якупов, Алматы Православие діни семинариясының студенттері және «Eleos-Meirim» қорының қызметкерлері.

12 ақпанда қажылар Иерусалим және бүкіл Палестинаның Қасиетті Патриархы Феофил III-мен кездесті. Қазақстандық делегация атынан Қасиетті Патриархты Ақтөбе және Қызылорда епископы Игнатий құттықтады. Өз сөзінде Қасиетті Патриарх Қасиетті Жердің христиан әлемі үшін рухани маңызы, Құтқарушының, Құдай Анасының және апостолдардың өмірімен байланысты қасиетті орындарға келетін қажылардың ерекше рухани миссиясы туралы айтты. Кездесу соңында Иерусалим Патриархы жиналғандарға батасын берді.

Қажылық сапарының маңызды сәттерінің бірі – Израильдің басты Евангелиялық қасиетті орындарында өткен қызметтерге қатысу болды: христиан әлемінің ең ұлы қасиетті орны – Қасиетті Қабір шіркеуіндегі түнгі Құдайлық Литургия және Вифлеемдегі Христостың Туған жері базиликасындағы Литургия.

Қажылар Қазақстан жері, Мәскеу және бүкіл Русь Патриархы Кирилл, Қазақстан Республикасындағы Митрополиттік округтің Басшысы, архипастырьлар, пастырьлар, монастырь қызметкерлері, ктиторлар және Қазақстан Православие Шіркеуінің жамағаты үшін дұға жасады.

Қажылар зиярат еткен қасиетті орындардың қатарында – Иса Мәсіхтің Көкке көтерілу орны саналатын Елеон тауы; Құдай Анасының, әділ Иосиф Обручник пен Құдай ата-аналары Иоаким мен Аннаның қабірлері орналасқан Гефсимания бар. Сондай-ақ, олар Христостың Тостаған туралы дұғасы мен Яһуданың сатқындығына үнсіз куә болған көне зәйтүн ағаштары сақталған Гефсимания бағында дұға етті. 

Қажылар үшін толғанысқа толы сәттердің бірі – қасиетті Савва Лаврасына бару болды. Бұл көне монастырде ғасырлар бойы қалыптасқан қатаң құдайы қызмет тәртібі мен ежелгі монастырлық рух сақталған. Мұнда олар Лавраның негізін қалаушы – қасиетті Савва Освященныйдың жәдігеріне тағзым етті.

Қасиетті Иордан өзенінің жағасында, Құтқарушы шомылдыру рәсімін қабылдаған жерде, сапар қатысушылары дұға жасап, содан кейін иордандық суына шомылды.

Сапар барысында Иерусалим маңындағы Горнен әйелдер монастыріне бару ерекше орын алды. Бұл – Құдай Анасы мен әділ Елисаветаның кездесу орны. Мұнда қажылар Көк Патшайымының игі шапағатын сезініп, Русь Палестинасының осы ерекше мекенінде дұға ету мүмкіндігіне ие болды.

Израильдің солтүстігінде делегация Иеміздің Өзгеруі орын алған апостолдарға Христостың Құдайлық даңқы ашылған Фавор тауына көтерілді.

Назаретте қажылар аңыз бойынша, Қасиетті Бикеш Мария мен әділ Иосиф Обручниктің үйі орналасқан Благовещение үңгіріне барды. 

Мұнда архангел Гавриил Құдай Анасына Құтқарушының дүниеге келетіні туралы ізгі хабарды жеткізген.

Галилея сапарын қорытындылай келе, қажылар тобы  Иса Мәсіхтің жердегі қызметінің көп бөлігі өткен, Ол уағыз айтып, кереметтер жасап, алғашқы апостолдарды шақырған орын - Галилея теңізіне (Тивериада көлі) барды.

Қасиетті Жердегі соңғы күні қажылар Құтқарушының Қайғылы жолымен – Виа Долороса арқылы өтіп, Ескі қаланың көшелеріндегі барлық станцияларға тоқтап, Мәсіхтің Голгофаға дейінгі азапты жолын ойша бірге өткендей болды.

Бұл үлкен сапар «Eleos-Meirim» қоғамдық қорының жан-жақты қолдауының арқасында жүзеге асты. Қор қызметкерлері сапар барысында қажылық топты сүйемелдеп, олардың тыныш әрі терең дұға етуіне жағдай жасады.