Митрополиттік округінің Басшысы Қаскелең қаласындағы Михаило-Архангельск соборында Құдайлық Литургияны өткізді

26 наурыз 2026 жыл -  Ұлы посттың 5-аптасының бейсенбісі; қасиетті 2026 жылғы Египеттік Қасиетті Мария құрметіне арналған күн.

Астана және Қазақстан митрополиті Александр Алматы облысының Қаскелең қаласындағы Михаило-Архангельск соборында Алдын ала қасиеттелген Сыйлар Литургиясын өткізді.

Қазақстандағы Православие шіркеуінің Басшысына э қызмет еткендер: Шымкент және Түркістан епископы Хрисанф; Орал және Атырау епископы Вианор; Оңтүстік астана приходтарының құрметті өкілі, Никольский соборының басшысы, теология кандидаты протоиерей Валерий Захаров; Ұзын-Ағаш ауылындағы Қазан храмының басшысы протоиерей Геннадий Кадников; Орал қаласындағы Михаило-Архангельск кафедралдық соборының басшысы архимандрит Феодосий (Курьянов); архимандрит Иосиф (Еременко); игумен Онисим (Тульников); Митрополиттік округ басшысының жеке хатшысы иеромонах Димитрий (Байдек); Михаило-Архангельс храмының басшысы протоиерей Павел Придатченко; Архангел храмының клиригі, Серафимо-Феогностов монастырі Чудов қоналқалық үйінен иеромонах Иакинф (Катан); митрополит хатшылығының жетекшісі иеромонах Прохор (Ендовицкий); Алматыдағы Қазан соборының басшысы иерей Георгий Рублинский; Адриано-Наталиевский храмының кілтшісі иерей Иоанн Коноплев; протодиакон Николай Гринкевич; митрополиттің протокол қызметінің жетекшісі протодиакон Роман Головин; протодиакон Владимир Сыровацкий.

Қызмет барысында Алматы епархиясының аралас хоры диакон Александр Пивеньдің жетекшілігімен ән шырқады.

Қызметте дұға еткендер: Митрополиттік округтің хатшысы, Патриарх кеңесінің мүшесі, Ресейдің еңбек сіңірген өнер қайраткері О.Н. Овчинников; храмның қайырымдылары мен жамағаты; казак өкілдері.

Храмда Қаскелең қаласының әкімі А.О. Мұқашев болды.

Қасиетті өлеңнен кейінгі уағызды иеромонах Димитрий (Байдек) оқыды.

Литургия соңында Қазақстан Митрополиттік округінің Басшысы жиналғандарға тағылымды сөзін айтып, Египеттік қасиетті Марияның рухани ерлігінің мәні туралы баяндады.

Мәскеу және бүкіл Русь Патриархы Кириллдің жарлығымен келе жатқан Қасиетті Пасха мерекесіне орай Михаило-Архангелск храмының басшысы протоиерей Павел Придатченко әшекейлі крест тағу құқығына ие болды.

Одан бір күн бұрын кешке митрополит Александр қасиетті Андрей Критскийдің Ұлы тәубе каноны оқылған таңғы құлшылық қызметін өткізді.

Египеттік қасиетті Марияның өмірбаяны бізге Иерусалим патриархы қасиетті Софроний жазып қалдырған кең әрі көркем сипаттамасы арқылы жақсы таныс. Оның өмірінің он жеті жылы ауыр күнәлармен өтсе, Құдайға бет бұрғаннан кейінгі қырық жеті жылын Иордан монастырінде тәубе жасап, үздіксіз дұғада және қатаң оразада өткізді. Ол аптап ыстық пен қақаған суыққа, аштыққа және жабайы аңдардың төнген қауіп-қатеріне төтеп берді.

Бұл қасиетті жанның өмірі XXI ғасырда өмір сүріп жатқан біздерге Құдайдың адамдарға деген, тіпті ең күнәһар пенделерге деген сүйіспеншілігінің шексіздігін көрсетеді. Құдай түзете алмайтын қателік жоқ, кешірмейтін күнә жоқ. Египеттік Қасиетті Марияның мысалы құтқарылудың басты шарттарын: шынайы тәубе, Иеміз Иса Мәсіхтің көмегіне берік сенім, Құдай Анасының шапағатына үміт арту және күнәлі өмірді тоқтатуға деген нық шешімді айқын көрсетеді.

Оның өмірі әрбір сенуші жанға рухани көмек береді. Біз оның өміріне қарап, Құдай тек күнәні жек көретінін, ал жамандықтан бас тартқан әрбір адам Оның сүйікті перзентіне айналатынын түсінеміз. Құдаймен татуласқан жан қайтадан өзінің жоғалтқан қадірін табады, адамға Құдайдың бейнесі қайтарылады, сенімі күшейеді, жан тыныштығы мен рухани қуанышқа ие болады.

Бүгін біз барлығымыз Қазақстан үшін дұға етіп жатқан шақта, әрқайсымыз тәубе ету арқылы Жаратушымен қайта қауышуымыз қажет. Жүрегіміз бен санамыздан Құдайға қарсы келетін барлық нәрседен арылып, Мәсіхтен алыстататын дүниелерден бас тартуымыз керек. Митрополит Александрдың уағызынан.