Митрополит Александр Қостанай епархиясының шіркеу-тарихи музейінде болды

30 наурыз 2026 жыл. Тобыл қаласы, Қостанай облысы. Қазақстан Православие Шіркеуінің Басшысы Астана және Қазақстан митрополиті Александр Құдай Анасының Қазан иконасының құрметіне арналған ғибадатханасы мен Қостанай епархиясының шіркеу-тарихи музейіндп болды.

Қазақстан Митрополиттік округінің Басшысын ғибадатхананың басшысы Қостанай епархиясының әулиелерді заңдастыру бөлімінің жетекшісі иерей Андрей Крутин қарсы алды.

Жоғары мәртебелі архипастырь ғибадатханада дұға оқып, одан кейін Қазан шіркеуінің алтаріне жақын жерленген епархияның мәңгі есте қалатын дін қызметкерлері – митра киген протоиерей Виктор Петров, архимандрит Анастасий (Остапчук) және Қарағандылық әулие Севастианның рухани ұлы болған протоиерей Владимир Королев жерленген орынға барып, сол жерде марқұмдарға бағыштап лития жасады.

Архипастырь епархиялық рухани-мәдени орталықта болды. Бұл орталықта шағын шіркеу, жексенбілік мектептің сыныптары, спорт залы және епархиялық музей орналасқан. Музей қорында «Мәсіх үшін азап шеккендер» атты экспозиция бар. Онда Құдайға деген сенімі үшін жер аударуға, қиыншылықтарға және азапты өлімге ұшыраған адамдардың өмірі, сондай-ақ Шіркеуге қарсы қуғын-сүргін жылдарында қиратылған ғибадатханалар туралы баяндалады.

Музей жұмысы туралы әңгімелей отырып, иерей Алексий архипастырьға 1930-жылдарға дейін Қостанай жерінде 180 ғибадатхана қызмет еткенін, ал Шіркеуге қарсы қуғын-сүргін дәуірінің соңына қарай олардың тек төртеуі ғана сақталғанын хабарлады. Солардың ішіндегі ең көнесі – Пресногорьковкадағы Никольский ғибадатханасы. Жалпы пікір бойынша, бұл деректер аталған өңірде Православиеге қарсы бұрын-соңды болмаған қуғын-сүргіннің болғанын көрсетеді.

Дін қызметкері Қостанай епархиясының шіркеу-тарихи музейінің қызметіне ерекше көңіл бөлгені және бұрын сыйға тартылған құнды жәдігерлер – қазақстандық әулие архипастырьлар, қасиетті әулие митрополит Николай (Могилевский) мен тақуалық жолындағы діндар митрополит Иосиф (Чернов) қол қойған антиминстер үшін митрополитке алғысын айтты.

Митрополит Александр иерей Алексийдің атқарған еңбегіне жоғары баға беріп, оның үндеуіне музей қорын толықтыруға, қиратылған шіркеулер мен Шағын шіркеулер, сондай-ақ Қостанай өңіріндегі дін қызметкерлерінің, монастірдегілер мен сенушілердің өмірі мен ерліктері туралы материалдық деректерді сақтап, музейге тапсыруға дайын көптеген жанашыр азаматтар үн қосады деген үміт білдірді.

Әмірші митрополит епархиялық көне жәдігерлерді сақтаушылар арасындағы диалогты жандандырудың және Митрополиттік округте музей ісін дамыту мақсатында бірлескен ғылыми-тәжірибелік іс-шаралар өткізудің қажеттігін атап өтті. Иерарх Алексий әкенің мол тәжірибесі Қазақстанның барлық епархияларында, шіркеу-тарихи экспозициялар құру ісі басталған немесе жоспарланып отырған жерлерде сұранысқа ие болатынын атап өтті.

Митрополиттік округтің Басшысы иерей Андрейге Қостанай жеріндегі тақуалық жолындағы жандардың есімін мәңгі есте қалдыру бағытындағы белсенді қызметі үшін алғысын білдірді.