Иеміздің Иерусалимге кіру мейрамындағы Астана епархиясы викарийлерінің қызметі

5 сәуір 2026 жыл. Астана және Қазақстан митрополиті Александрдың батасымен Астана епархиясының викарийлері Қазақстанның Митрополиттік округі храмдарында тал бұтақтары апталығв - Иеміздің Иерусалимге кіру мейрамы қызметтерін өткізді.

4 сәуір күні кешке Қазақстан Православие Шіркеуі істері басшысы, Қаскелең епископы Геннадий Алматы қаласындағы Никольский соборында түні бойғы құлшылық өткізді.

Жоғары мәртебеліге  қызмет еткендер: Алматы храмдарының құрметті өкілі, Никольский соборының басшысы, құдайтану кандидаты протоиерей Валерий Захаров және Никольский соборының дін қызметкерлері.

Құлшылық әндерін Никольский соборының хоры О. Соломонованың жетекшілігімен орындады.

Ұлы кешкі құлшылықта құлшылық Жарғысына сәйкес нанды, шарапты, бидайды және елейді (майды) қасиеттеумен бірге лития (күшейтілген жалбарыну) жасалды.

Таңғы құлшылықта Інжіл оқылғаннан кейін архипастырь тал бұтақтарын қасиеттеу рәсімін жасады.

5 сәуірде, мейрам күні, епископ Геннадий Оңтүстік астанадағы Вознесенский кафедралды соборында өткен Құдайлық Литургияда Астана және Қазақстан митрополиті Александрмен бірге қызмет етті.

4 сәуірде, он екі ұлық мейрамы қарсаңында, Астана епархиясының викарийі, Талдықорған епископы Клавдиан Алматы қаласындағы Талдықорған викариатының өкілдігі – Благовещенский храмында түні бойғы құлшылықты басқарды.

Иерархқа  қызмет еткендер: архимандрит Гавриил (Тутберидзе), протоиерей Владимир Глухих, иерей Николай Матлашов, иеродиакон Вениамин (Вдовин), диакон Рустик Якупов.

Благовещенский хорының әндерін И. Полищева жетекшілік еткен храм хоры орындады.

Ұлы кешкі құлшылықта құлшылық Жарғысына сәйкес нанды, шарапты, бидайды және елейді (майды) қасиеттеумен бірге лития (күшейтілген жалбарыну) жасалды.

50-ші забур оқылып жатқан кезде архипастырь тал бұтақтарын аластап, оларды қасиеттеуге арналған: «Иеміз Құдайымыз, Херувимдер үстінде отырған…» деген дұғаны оқыды. Содан кейін ол құлшылыққа келгендердің әкелген бұтақтарына  қасиетті су сеуіп, былай деді: «Бұл тал бұтақтары осы қасиетті сумен себілу арқылы Әкенің, Ұлдың және Киелі Рухтың атымен қасиеттеледі».

5 сәуірде, мейрам күні, епископ Клавдиан Оңтүстік астанадағы Вознесенский кафедралды соборында өткен Литургияда Астана және Қазақстан митрополиті Александрмен бірге қызмет етті.

Астана епархиясының викарийі, Талғар епископы Вениамин Қостанайдағы Константино-Еленинский кафедралды соборында Литургияны өткізді.

Архипастырьға  қызмет еткендер: Қостанай епархиясының хатшысы иеромонах Геннадий (Бурдюжа), Константино-Еленинский кафедралды соборының кілтшісі протоиерей Василий Королев, Қостанай епархиясының рухани жетекшісі протоиерей Андрей Корчажников, Қостанай қаласындағы Константино-Еленинский кафедралды соборының клиригі игумен Иннокентий (Помогалов), диакон Елиазар Айтбакин, диакон Тарасий Такенов.

Құлшылық әндерін Т. Жебрак жетекшілік еткен хор орындады.

Қасиетті өлеңнен кейінгі уағызды иеромонах Геннадий (Бурдюжа) оқыды.

Литургия мейрамды мадақтаумен аяқталды: хор мен дін қызметкерлері Иеміздің Иерусалимге кіру мейрамының тропары мен кондагын орындады. Одан кейін тал бұтақтарын қасиеттеу рәсімі өтті.

Құлшылық аяқталғаннан кейін епископ Вениамин дін қызметкерлері мен жамағатқа ортақ дұға үшін алғысын білдіріп, қатысушыларға өсиет сөзін айтты.

Алдыңғы кеште иерарх Қостанай епархиясының бас храмында литиямен бірге түні бойғы құлшылық өткізді.