Құдай Анасының «Өмір сыйлаушы бұлақ» иконасының құрметіне арналған мерекеде Митрополиттік округтің Басшысы Астанадағы Константино-Еленинский соборында Литургияны өткізді

17 сәуір 2026 жыл -  Қасиетті аптаның жұмасы; Қасиетті Құдай Анасының «Өмір сыйлаушы бұлақ» иконасының құрметіне арналған мереке және қасиетті Иосиф әнжазушыны еске алу күні.

Астана және Қазақстан митрополиті Александр Астана қаласындағы ең көне ғибадатхана – Константино-Еленинский соборында Пасха рәсімімен Құдайлық Литургияны өткізді.

Ежелгі құлшылық дәстүріне сәйкес, Литургия басталар алдында суға бата беру мінәжаті өтті.

Қазақстанның Митрополиттік округінің Басшысына қызмет еткендер: Астана шіркеу округінің құрметті өкілі архимандрит Сергий (Карамышев), Алматыдағы  Құдай Анасының «Барлық қайғырғандарға Қуаныш» иконасы құрметіне арналған храмның басшысы протоиерей Евгений Воробьев, Александр Невский храмының клиригі протоиерей Михаил Зинченко, Астанадағы Құдай Анасының  «Қаза тапқандарды іздестіру» иконасы құрметіне арналған әйелдер монастырінің рухани жетекшісі иеромонах Модест (Дроздов), Митрополиттік округ басшысының жеке хатшысы иеромонах Димитрий (Байдек), Константино-Еленинский соборының кілтшісі протоиерей Сергий Калиев, Астана қаласындағы қасиетті Серафим Саровский храмының клиригі иеромонах Силуан (Синегубов), митрополиттің жеке хатшылығының жетекшісі иеромонах Прохор (Ендовицкий), иерей Андрей Ивашинин, протодиакон Николай Гринкевич бастаған диакондар.

Қызмет басталар алдында ғибадатханаға сенушілердің дұғамен тағзым етуі және рухани нығаюы үшін ұлы қасиетті жәдігерлер – қасиетті апостол Петр мен равноапостольды Мария Магдалинаның қасиетті жәдігерлерінің бөлшектері жеткізілді.

Литургияда дұға еткендер: Астана қаласындағы Құдай Анасының  «Қаза тапқандарды іздестіру» иконасы құрметіне арналған монастырьдің игумениясы Севастиана (Плотникова) монастір монахиняларымен бірге, епархиялық басқарма қызметкерлері және храм прихожандары.

Әндерді Константино-Еленинский храмының хоры Н. Мазуринаның жетекшілігімен орындады.

Қасиетті өлеңнен кейін иеромонах Димитрий (Байдек) Астана және Қазақстан митрополиті Александрдың Пасхалық жолдауын оқып берді.

Литургия Жарқын Христостың Қайта Тірілуін мадақтаумен аяқталды.

Митрополиттік округтің Басшысы дін қызметкерлері мен прихожандарға уағызын айтып, жиналғандарды қос қуанышпен – Қасиетті Пасхамен және Құдай Анасының «Өмір сыйлаушы бұлақ» иконасы мерекесімен құттықтады.

Иерарх сенушілерге қасиетті судан септі.

«Құдайдың Өз жаратылысына деген шексіз сүйіспеншілігі бойынша Иеміз Иисус Христос «біз адамдар үшін және біздің құтқарылуымыз үшін» адам болды, азап шекті және Кресте өлді – дүниенің күнәларын Өз мойнына алып, «біздің ақталуымыз үшін» қайта тірілуі үшін (Рим. 4:25). Құтқарушының дүниеге келуімен біздің Құдаймен татуласуымыз басталды, Христостың өмірімен жалғасты, ал өлімі мен Қайта тірілуімен толық орындалды.

Херсон архиепископы әулие Иннокентийдің сөзімен айтқанда, «қайта тірілген Құтқарушының бейнесінде бізге Адам атада жоғалтқан Құдай балаларының ұлылығы қайта берілді, Аспан Патшалығын мұра ету үшін қажеттінің бәрі тапсырылды». Өлімнен қайта тұрған Құдай-Адам Жаңа Адамға, Өзі құтқаратын жаңарған адамзаттың Бастаушысына айналды.

Христостың Қайта Тірілуі бізге Аспанға жол ашты, сондықтан бүгінде Шіркеу Пасхалық канонда: «Христос Құдай бізді өлімнен өмірге және жерден көкке жеткізді» деп жырлайды.

Пасха бізге Өмір сыйлаушы Табыттан бүкіл адамзатқа келген кешірімді еске салады және болашақтағы жалпы қайта тірілуге деген үмітімізді нығайтады. Әулие Григорий Нисскийдің сөзімен айтқанда, «бүгінгі күн болашақ күннен де қуанышты: ол кезде күнәлары әшкереленетіндер міндетті түрде жылайды, ал бүгін арамызда мұңды адам жоқ. Бүгін әділ жан да қуанады, ар-ұжданын әлі тазартпаған адам да тәубе арқылы түзелуге үміттенеді. Бүгінгі күн барлық қайғыны жояды, мерекенің салтанатынан жұбаныш таппайтын адам жоқ».

Біздің жүрегіміз шаттыққа толы, ерніміз Қайта тірілген Құтқарушыны мадақтайды – бірақ жердегі ешқандай мадақ сөздері Оның бізге деген айтып жеткізгісіз мейіріміне толық алғыс білдіруге жеткіліксіз». Митрополит Александрдың уағызынан.