Митрополиттік округтің Басшысы Қарағанды қаласындағы Богородице-Рождественский монастырінде болды

19 сәуір 2026 жыл. Қарағанды. Қарағанды епархиясына жасаған архипастырлық сапары барысында Астана және Қазақстан митрополиті Александр Қарағандылық қасиетті Севастианның рухани ерлік еткен орны – Михайловкадағы Богородице-Рождественский монастырінде болды.

Қазақстан Православие Шіркеуінің Басшысымен бірге монастырге келгендер: Қарағанды және Шахтинск архиепископы Севастиан, епархиялық басқарманың хатшысы протоиерей Димитрий Патрикеев және митрополиттің көмекшісі И.Е. Яценко.

Митрополитті және қонақтарды қарсы алғандар: Қарағандыдағы Богородице-Рождественский әйелдер монастырінің игумениясы Олимпиада (Салопеко) монастырь монах әйелдерімен бірге: қасиетті ақсақал Севастианның рухани перзенті әрі шәкірті – Богородице-Рождественский монастырінің рухани тәлімгері схиархимандрит Пахомий (Горошко) және қасиетті ақсақалдың келейнигі – монах әйел Варвара (Ткаченко).

Монастырь шіркеуінде Митрополиттік округтің Басшысы Христостың Жарқын Қайта Тірілуін мадақтау рәсімін және ГУЛАГ-тың ең ірі түзету-еңбек лагерьлерінің бірі – Карлаг құрбандары, сондай-ақ «құдайсыз қудалау жылдарында жазықсыз азап шеккендер мен өлтірілгендер, аштықтан, суықтан, жарақаттан, аурудан және ауыр еңбектен қаза тапқандар» үшін лития жасады. Осыдан кейін ол ғибратты сөзін айтты.

Қалыптасқан дәстүр бойынша митрополит Александр, Қарағанды епархиясының басқарушысы және дін қызметкерлері қасиетті Севастианның мемориалдық келиясына барып, Қазақстанның көктегі қамқоршысына арналған тропарь мен ұлықтау жырын орындады. Митрополит жиналғандарды қасиетті бейнесінің алдындағы сөнбейтін шамнан алынған маймен майлады.

Архиепископ Севастиан мен игумения Олимпиада Қазақстан Православие Шіркеуінің Басшысын жаңадан салынған монастырь корпусымен және қажылық орталығымен таныстырды.

Одан кейін Митрополиттік округтің Басшысы Богородице-Рождественский монастырінің рухани тәлімгері схиархимандрит Пахомиймен (Горошко) – қасиетті ақсақал Севастианның шәкіртімен және қасиетті Севастианның келейнигі монах әйел Варварамен (Ткаченко) кездесті. Әңгіме барысында монастырь қызметкерлері архипастырға схиархимандрит Севастиан туралы естеліктерімен және қазіргі қоғамның рухани өміріндегі мәселелер жөніндегі ойларымен бөлісті.

Кездесу соңында митрополит архимандрит Петрге (Горошко) және монах әйел Варвараға денсаулық пен шіркеу қызметіндегі еңбектеріне Құдайдың көмегін тіледі.