Астана және Қазақстан митрополиті Александр Қарағандылық қасиетті Севастианның дүниеден өткеніне 60 жыл толуына орай «Кеншілер астанасында» өткен салтанатты шараларды басқарды

19 сәуір 2026 жыл -  Пасхадан кейінгі екінші жексенбі (Антипасха), елші Фоманың сенімге келуі еске алынатын күн, сондай-ақ Қазақстанның көктегі қамқоршысы – Қарағандылық қасиетті Севастианды еске алу күні.

Орталығы Троице-Севастиановский соборы болған салтанатты шараларды Астана және Қазақстан митрополиті Александр басқарды.

Митрополиттік округтің Басшысына қызмет еткендер: Қарағанды және Шахтинск архиепископы Севастиан; Өскемен және Семей архиепископы Амфилохий; Ақтөбе және Қызылорда епископы Игнатий; Астана епархиясының викарийі, Талдықорған епископы Клавдиан; Шымкент және Түркістан епископы Хрисанф; елорда приходтарының благочинныйы архимандрит Сергий (Карамышев); Қарағанды епархиясының қоғаммен байланыс бөлімінің жетекшісі иеромонах Моисей (Патрикеев); Алматыдағы «Барлық қайғырушылардың Қуанышы» Құдай Анасы иконасы құрметіне арналған храмның настоятелі протоиерей Евгений Воробьев; Абай шіркеу округінің құрметті өкілі протоиерей Владимир Фрейганг; епархияның ақпараттық-баспа бөлімінің жетекшісі протоиерей Александр Угольков; Митрополиттік округ Басшысының жеке хатшысы иеромонах Димитрий (Байдек); Қостанай епархиясының хатшысы иеромонах Геннадий (Бурдюжа); Константино-Еленинский соборының кілтшісі протоиерей Сергий Калиев; протоиерей Александр Лега; митрополит хатшылығының жетекшісі иеромонах Прохор (Ендовицкий); Митрополиттік округ Басшысының әкімшілік хатшылығының жетекшісі иерей Георгий Сидоров; протодиакон Николай Гринкевич; митрополиттің хаттама қызметінің жетекшісі протодиакон Роман Головин; протодиакон Владимир Сыровацкий; протодиакон Александр Мокий; диакон Рустик Якупов; диакон Георгий Ткаченко; Қазақстанның Митрополиттік округі храмдарының дін қызметкерлері.

Құдайға құлшылық ету кезіндегі әндерді Қарағанды епархиясының архиерейлік хоры В. Тесленконың жетекшілігімен орындады.

Литургияда дұға еткендер: Қарағандыдағы Богородице-Рождественский әйелдер монастырінің игумениясы Олимпиада (Салопеко) монастырь монах әйелдерімен бірге; қасиетті ақсақал Севастианның рухани перзенті әрі шәкірті – Богородице-Рождественский монастырінің рухани тәлімгері схиархимандрит Пахомий (Горошко); Қарағанды епархиялық басқармасының қызметкерлері; жексенбілік мектептердің оқушылары.

Қасиетті өлеңнен  кейін иерей Георгий Сидоров Астана және Қазақстан митрополиті Александрдың Қарағандылық қасиетті Севастианның дүниеден өткеніне 60 жыл толуына арналған жолдауын оқып берді.

Литургия соңында Христостың Жарқын Қайта Тірілуіне және ақсақал Севастианға арналған мадақтау рәсімі өтті. Осыдан кейін митрополит ежелгі және қазіргі түрлі тілдерде «Христос воскресе!» деген қуанышты үндеу айтты.

Митрополиттік округтің Басшысы архиерейлерді, дін қызметкерлерін және жамағатты ұлы қазақстандық әулие – қасиетті ақсақал Севастианды еске алу күнімен құттықтап, жиналғандарға ғибратты сөзін айтты.

Орыс Православие Шіркеуінің Басшысы, Мәскеу және бүкіл Русь Патриархы Кириллге; Қазақстанның Митрополиттік округінің Басшысына, епископатына, дін қызметкерлеріне және паствасына; Қазақстан Президентіне, билік өкілдеріне, әскерге және бүкіл халқына көпжылдық жария етілді.

Митрополит Қарағанды епархиясын басқарып отырған, өзінің көктегі қамқоршысы күнін және архиерейлік тағайындалуының 15 жылдығын атап өтіп отырған архиепископ Севастианға ерекше құттықтау сөздерін арнады. Архипастырлық қызметтегі қажырлы еңбегі мен мерейтойына орай митрополит Александр архиепископ Севастианға «Ынталы Қызметі Үшін» орденін табыс етті. Қазақстан Православие Шіркеуінің Басшысы архиерейге естелік панагия, қасиетті просфора мен гүл шоғын сыйлады.

Естелік күндерді атап өтіп отырған Жоғары мәртебелі архиепископқа Қарағанды епархиясының клириктері ұзақ та берекелі ғұмыр тілеп, Ең Қасиетті Құдай Анасының «Феодоровская» иконасын сыйға тартты.

Троице-Севастиановский соборы жанындағы жексенбілік мектептің тәрбиеленушілері (директоры – А.А. Васильева) архипастырлар, дін қызметкерлері және сенушілер үшін қасиетті Пасханы мадақтайтын әндер орындады. Митрополит Александр өнер көрсеткендерге шынайы алғысын білдіріп, тәтті сыйлықтар табыс етті.

Қазақстан Православие Шіркеуінің Басшысы көптеген сенушілерге қасиетті судан сеуіп, одан кейін архиерейлер, дін қызметкерлері және жамағат собор алаңында орнатылған Қарағанды ақсақалының ескерткішіне барып, гүл шоқтарын қойды.

Қызмет аяқталған соң митрополит Александр архиепископ Севастианмен бірге Троице-Севастиановский соборының жоғарғы храмында Пасхалық мадақтау рәсімін жасады. Бұдан кейін ол әрлеу жұмыстарының соңғы кезеңімен және қосалқы храмды қасиеттеуге дайындау барысымен танысты.

«Бүгінде Христостың Қайта Тірілуіне деген қуанышқа толы, жанды құтқаратын Пасха күндері ерекше рухани шаттық нұрына бөленіп тұр. Біз Қарағанды қаласы мен бүкіл Қазақстан жерінің көктегі қамқоршысы – ХХ ғасырдағы сенім жолындағы діндар, Оптина монастырінің соңғы ақсақалдарының бірі, Қарағандылық қасиетті әрі Құдайды жүрегінде алып жүрген Севастиан әкенің құрметіне арналған мерекені атап өтудеміз.

Қасиетті ақсақал Қазақстан жерін айрықша сүйді. Ол осы жерде ұлы дұғагер, көреген және ғажайып жасаушы болды. Оның православиеге қарсы құдайсыз қудалау жылдарында Қарағандының Михайловка ауданында ғажайып түрде құрған шағын храмы рухани жұбаныш пен қолдау іздеген жүздеген мың сенушілер үшін екінші Оптинаға айналды.

Қасиетті Севастиан туралы тақуа өмір иесі, Алматы және Қазақстан митрополиті Иосиф (Чернов): “Ол бәріне кішіпейілділікпен төзді, барлығы үшін Құдайдан құтқарылу мен ақыл беруін сұрап дұға етті. Оның көз жасы мен дұғалары үшін Киелі Рухтың рақымы Қарағандыда екінші келуге дейін сақталады”, – деген. Қасиетті тақуа бізге үш ұлы сый қалдырды: оның рухани перзенттері мен замандастары сипаттап кеткен ізгі өмірінің үлгісі; оның рухқа толы өсиеттері, уағыздары мен тәлімдері; сондай-ақ Құдайға сеніммен дұға етіп жүгінгендердің бәріне көмек пен шипа беретін қасиетті жәдігерлері.

Мерейтойлық мереке күні қасиетті әкенің өсиетіне назар аударуымыз керек: “Барлығыңыздан бір ғана нәрсе сұраймын: татулықта өмір сүріңіздер. Татулық пен сүйіспеншілік – ең бастысы. Егер араларыңызда осы болса, жүректеріңізде әрдайым қуаныш болады. Оған тек татулықпен, сүйіспеншілікпен және шынайы жүрек дұғасымен жетуге болады”.

Қарағандылық қасиетті Севастианды еске алу бізді Қазақстанның тыныштығы мен гүлденуі үшін, сондай-ақ орыс Православиесінің канондық кеңістігіне кіретін барлық елдер мен халықтардың амандығы үшін ерекше дұға жасауға шақырады». Астана және Қазақстан митрополиті Александрдың уағызынан.