Марқүм болғандарды Пасха күндері еске алу күні. Митрополит Александр Мәскеудегі Митрополиттік округ Өкілдігінің храмында Литургияеы өткізді

21 сәуір 2026 жыл -  Пасхадан кейінгі екінші аптаның сейсенбісі — Радоница күні. Православие Шіркеуі ежелгі дәстүрге сәйкес Христостың Қайта Тірілуінен кейінгі тоғызыншы күні марқұм болғандарды ерекше пасхалық еске алуды өткізеді.

Астана және Қазақстан митрополиті Александр Мәскеу қаласындағы Патриархтық ауладағы Қазақстан Республикасындағы Орыс Православие Шіркеуінің Митрополиттік округі Өкілдігінің қасиетті азап шегушілер Вера, Надежда, Любовь және София құрметіне арналған храмында Құдайлық Литургияны өткізді.

Жоғары мәртебеліге  қызмет еткендер: Алматы рухани семинариясы проректоры, теология кандидаты, медицина ғылымдарының докторы, профессор игумен Агафангел (Гагуа); қасиетті азап шегушілер Вера, Надежда, Любовь және олардың анасы София храмының кілтшісі иеромонах Антоний (Дробязко), ауланың дін қызметкерлері, Алматы рухани семинариясының сырттай бөлімінің меңгерушісі иерей Даниил Бобылев, диакон Анатолий Леденев және диакон Роман Фролов.

Литургияда дұға еткендер: Ресей Федерациясы Үкіметі Төрағасы орынбасарының Хатшылығы басшысының орынбасары Н.В. Паршикова, ауланың ктиторлары мен храм прихожандары.

Храм хоры Анна Рожнованың жетекшілігімен ән айтты.

Марқұм болғандарға арналған ектенияда «дүние жаратылғаннан бері және бүгінгі күнге дейін дүние салған барлық православие христиандары» еске алынды; София храмының марқұм басшысы, приходты қайта жандандырған протоиерей Борис Присяжнюк үшін; храмды салушылар мен көркейткендердің жарқын рухына; дүниеден өткен қазақстандық иерархтар мен дін қызметкерлері үшін; астанадағы Миус зиратына жерленгендер үшін, олардың ішінде КСРО халық әртісі, «Ресейдің алтын басы» А.Ф. Ведерников үшін; құдайсыз қудалау жылдарында жазықсыз азап шеккендер мен өлтірілгендер үшін; аштықтан, суықтан, жарақаттан, аурудан және ауыр еңбектен қайтыс болғандар үшін; сенімі мен Отаны үшін майдан даласында жанын қиған көсемдер мен жауынгерлер үшін; індеттен қайтыс болған дін қызметкерлері мен қарапайым сенушілер үшін жасалды ерекше дұғалар оқылды.

Литургия аяқталғаннан кейін Христостың Жарқын Қайта тірілуін дәріптеу және қайтыс болғандарды пасхалық еске алу рәсімі өтті.

Қайтыс болғандарды пасхалық еске алумен Құдайлық Литургиялар Қазақстанның Митрополиттік округінің барлық храмдарында өтті. Дін қызметкерлері сенушілердің өтініші бойынша қалалық және ауылдық зираттарда панихидалық литиялар жасады.

«Христостың Жарқын Қайта тірілуі мерекесінен кейінгі тоғызыншы күні біз, ғасырлар бойы қасиеттелген игі дәстүр бойынша, қайтыс болғандарды пасхалық еске алуды орындаймыз. Мәсіхтің Қайта Тірілуі бізге Көктегі мекенге ашты, және бүгінде Шіркеу пасхалық канонда былай деп жырлайды: “Өйткені Христос Құдай бізді өлімнен өмірге және жерден көкке жеткізді”. Пасха бізге Өмір беруші Табыттан адамзатқа жарқыраған кешірімді паш етеді және болашақтағы жалпы қайта тірілуге деген үмітті нығайтады. “Ешкім өлімнен қорықпасын, — дейді бізге пасха түнінде әулие Иоанн Златоуст, — өйткені Құтқарушының өлімі бізді азат етті. Мәсіх қайта тірілді — және өмір орнады; Христос Қайта Тірілді — және қабірде бірде-бір өлі қалған жоқ”. Біздің Иеміздің Қайта тірілуінен бастап өлім адам үшін тек ұйқыға, мәңгілік тынығуға айналды, ол уақытша айырылысу ғана болды. Осыдан кейін барлық сенушілер үшін, Қасиетті Апостол әрі Евангелист Иоаннның «Аян» кітабында куәлік еткендей, “Құдай олардың көздерінен барлық жасты сүртеді, енді өлім де, қайғы да, зар да, ауру да болмайды” деген күн туады». Астана және Қазақстан митрополиті Александрдың уағызынан.