Мәскеулік қасиетті Матронаны еске алу күні. Астана және Қазақстан митрополиті Александр Алматыдағы София соборында Құдайлық Литургияны өткізді

2 мамыр 2025 жыл - Мәскеулік қасиетті Матронаны еске алу күні.

Астана және Қазақстан митрополиті Александр Алматы қаласындағы Иверско-Серафимовский әйелдер монастырінің София соборында Құдайлық Литургияны өткізді.

Қазақстан Православие Шіркеуінің Басшысына қызмет еткендер: Қазақстан Православие Шіркеуі істері басшысы, Қаскелең епископы Геннадий; Астана епархиясының викарийі, Талғар епископы Вениамин; Алматы храмдарының құрметті өкілі, Никольский соборының басшысы, теология кандидаты протоиерей Валерий Захаров; Алматыдағы Құдай Анасының «Барлық қайғырушылардың Қуанышы» иконасы құрметіне арналған храмның басшысы протоиерей Евгений Воробьев; архимандрит Иосиф (Еременко); Митрополиттік округ басшысының жеке хатшысы иеромонах Димитрий (Байдек); Алматы облысы Жетіген кентіндегі қасиетті әділ Иоанн Кронштадтский атындағы храмның басшысы протоиерей Вадим Алексеев; митрополиттің жеке хатшылығының жетекшісі иеромонах Прохор (Ендовицкий); Алматы семинариясының библиялық-богословиялық кафедрасының меңгерушісі иерей Олег Лисин; Митрополиттік округ басшысының әкімшілік хатшылығының жетекшісі иерей Георгий Сидоров; иеромонах Арсений (Волошин); Алматыдағы Қазан соборының кілтшісі иерей Георгий Рублинский; иеромонах Паисий (Тишаков); Алматы православие рухани семинариясының кеңсесін басқарушы иерей Александр Шишлов; протодиакон Николай Гринкевич; митрополиттің протокол қызметінің жетекшісі протодиакон Роман Головин; протодиакон Владимир Сыровацкий; диакон Андрей Плахута; диакон Илия Воробьев; диакон Георгий Ткаченко; диакон Роман Караман.

Құлшылық кезінде сенушілердің тағзым етуі үшін храмға Мәскеулік қасиетті Матронаның қасиетті жәдігерлерінің бөлшегі салынған кеме әкелінді.

Литургияда дұға еткендер: Қазақстан Православие Шіркеуінің хатшысы, Ресей Федерациясының еңбек сіңірген өнер қайраткері, Қазақстан Митрополиттік округі хорының регенті, орыс шіркеулік ән айтуын дамыту жөніндегі Патриарх кеңесінің мүшесі О.Н. Овчинников; Иверско-Серафимовский әйелдер монастырінің игумениясы Любовь (Якушкина) монахиняларымен бірге; Алматы православие рухани семинариясының студенттері, Митрополиттік округ бөлімдері мен комиссияларының қызметкерлері, Алматы епархиялық басқармасының қызметкерлері; Алматы храмдарының прихожандары және көптеген қажылар.

Қызмет барысында Иверско-Серафимовский монастырінің София соборының хоры (жетекшісі О. Усольцева) ән салды.

Құлшылық кезінде монастірде жерленген қазақстандық иерархтар – архиепископ Софоний (Сокольский, †1877), епископ Никон (Богоявленский, †1897) және митрополит Иосиф (Чернов, †1975), сондай-ақ монастырь басшылары – монахиня Паисия (Крючкова), игумения Нектария (Димитриева), игумения Ефросиния (Бакуревич) және революцияға дейінгі кезеңде әрі жаңа уақытта монастырьда еңбек еткендердің барлығы үшін дұғалар бағышталды.

Қасиетті өлең алдында архимандрит Иосиф (Еременко) уағызын айтты.

Литургия Қасиетті Христос Тірілуін және қасиетті Матронаны мадақтаумен аяқталды. Одан кейін митрополит «Христос воскресе!» деген қуанышты үндеуді көне және қазіргі түрлі тілдерде жариялады.

Қазақстан Православие Шіркеуінің 

Басшысы иерархтарды, дін қызметкерлерін және прихожандарды тақ мерекесімен құттықтап, жиналғандарға тағылымды сөзін айтты.

Жоғары мәртебелі митрополит сенушілерді қасиетті сумен себелеп батасын берді.

«Қасиетті Матронаның өмірбаянын мұқият оқысақ, оның бүкіл өмірі Құдайдың еркіне мойынсұнып, қайғы-қасіретті батыл төзіммен көтерген крест жолы болғанын көреміз. Ол туабітті соқыр болып дүниеге келді, мүмкіндіктері шектеулі болды, жүре алмай қалды, аштық пен қиыншылықтарды бастан өткерді. Алайда азап пен сырқат оның рухын сындырмады – ол торығуға да, ашуға да берілмеді, Құдайға және адамдарға қарсы наразылық танытпады. Жастайынан оның өмірлік ұстанымы Жаратқан Иенің «Кім Менің соңымнан ергісі келсе, өзінен бас тартып, крестін көтеріп, Маған ерсін» (Мф. 16:24) деген сөзі болды. Оның өмір жолы күн сайынғы «Христосқа бірге айқышқа шегелену» (Гал. 2:19) болды. Әулие Григорий Богослов: «Кеше мен Христоспен бірге айқышқа шегелендім, бүгін Онымен бірге даңқталамын; кеше Онымен бірге өлдім, бүгін Онымен бірге тірілемін» деген. Жаратқан: «Мені дәріптегендерді Мен де дәріптеймін» (1 Цар. 2:30) дейді. Қасиетті Матрона өсиеттерді орындау арқылы Жаратушыны дәріптеді, кішіпейілділік пен төзім арқылы Христостың азаптарына ортақтасты (1 Пет. 4:13) және осы арқылы ұлы әулиеге айналды. Өзі аурудан әлсіресе де, өзгелерге жанашырлық танытып, әлсіздердің ауыртпалығын көтерді (Рим. 15:1). Және бұл дүниеден өткеннен кейін де адамдардан алыстауды қаламады. Ол: «Барлығың маған келіңдер, тірі адамға айтқандай, қайғыларыңды айтыңдар, мен сендерді көремін, естимін және көмектесемін» деген. Біз күрделі заманда өмір сүріп жатырмыз, заңсыздық көбейген сайын адамдардың сүйіспеншілігі суып барады (Мф. 24:12). Осындай уақытта әулиелердің өмірі бізге күш береді. Қасиетті Матронаның жәдігерлеріне келіп, оның өмірін еске ала отырып, Құдайдан рухани күш, сенімнің нығаюын, өмір жолымызды ризашылықпен, қорқынышсыз және шағыимыз өтуге көмек сұрайық». Митрополит Александрдың уағызынан.