Митрополит Александр Алматыдағы Вознесенский соборында Литургияны өткізді

9 мамыр 2026 жыл -  Пасхадан кейінгі 4-аптаның сенбісі; халқымыздың Ұлы Отан соғысындағы Жеңіс күні.

Митрополит Александр Алматыдағы Вознесенский кафедралдық соборында пасхалық тәртіппен Құдайлық Литургияны өткізді.

Құлшылықтың ерекшелігі – оған қасиетті Афон тауынан келген византиялық хордың қатысуы болды. Хорды Әулие Павел монастырінің Жаңа Скитінің бас регенті әрі жарғы сақтаушысы, протопсалт схимонах Дамаскин (Симеонидис) басқарды. Грекия мен Балқан елдеріне танымал әншілік ұжым Оңтүстік астанаға «Пасхалық ән» халықаралық музыкалық фестиваліне қатысу үшін келді.

Қазақстан Православие Шіркеуінің Басшысына қызмет еткендер: қонақ архипастырьлар – Орск және Гайск епископы Ириней (Орынбор митрополиясы); Тарск и Тюкалинск епископы Викентий (Омбы митрополиясы); қазақстандық епископат өкілдері – Өскемен және Семей архиепископы Амфилохий; Қазақстан Православие Шіркеуі істері басшысы Каскелең епископы Геннадий; Ақтөбе және Қызылорда епископы Игнатий; Астана епархиясының викарийі Талдықорған епископы Клавдиан; Астана епархиясының викарийі Талғар епископы Вениамин; Орал және Атырау епископы Вианор; Оңтүстік астана храмдарының құрметті өкілі, Никольский соборының басшысы, богословие кандидаты протоиерей Валерий Захаров; Алматы қаласындағы Құдай Анасының «Барлық қайғырушылардың Қуанышы» иконасы құрметіне арналған храмның басшысы протоиерей Евгений Воробьев; Орал қаласындағы Михаило-Архангельский кафедралды соборының басшысы архимандрит Феодосий (Курьянов); архимандрит Иосиф (Еременко); архимандрит Геронтий (Борисевич); Вознесенский кафедралдық соборының кілтшісі, Митрополиттік округтің қоғаммен байланыс бөлімінің жетекшісі протоиерей Александр Суворов; Алматы епархиясының храм басшылары мен дін қызметкерлері; архипастырьлармен бірге келген клириктер.

Литургия кезінде дұға еткендер: Қазақстан Православие Шіркеуінің хатшысы, Ресей Федерациясының еңбек сіңірген өнер қайраткері, Қазақстан Митрополиттік округі хорының регенті, Орыс шіркеулік ән өнерін дамыту жөніндегі Патриарх кеңесінің мүшесі О.Н. Овчинников; «Eleos-Meirim» қоғамдық қорының президенті В.М. Капсамун; Алматы епархиялық басқармасының қызметкерлері, Алматы православиелік рухани семинариясының студенттері және көптеген прихожандар.

Құлшылық әндерін Е. Богуславецтің жетекшілігіндегі Вознесенский соборының хоры және схимонах Дамаскин (Симеонидис) басқарған қасиетті Афон тауынан келген византиялық хор орындады.

Ұлы Отан соғысындағы Жеңіс күніне орай, Орыс Православие Шіркеуі Архиерейлік Соборының 1994 жылғы қаулысына сәйкес, марқұмдарды ерекше еске алу рәсімі өтті. Митрополит Александр пен дін қызметкерлері «майдан даласында жанын қиған көсемдер мен жауынгерлердің, жарақат пен аштықтан көз жұмғандардың, тұтқында және ауыр жұмыстарда жазықсыз азап шегіп қаза болғандардың және Жеңіс үшін еңбек еткендердің» жандарының тыныштығы үшін дұға жасады.

Причастеннен кейінгі уағызды иерей Георгий Рублинский оқыды.

Литургия соңында Христостың Қасиетті Қайта Тірілуін мадақтау рәсімі және Ұлы Отан соғысындағы Жеңісті сыйлағаны үшін Иеміз Құдайға алғыс айту дұғасы жасалды.

Құлшылық аяқталғаннан кейін Митрополиттік округтің Басшысы иерархтарға, дін қызметкерлеріне және прихожандарға қасиетті престол алдында ортақ дұға қуанышы үшін алғысын айтып, сондай-ақ қасиетті Афон тауынан келген хордың регенті схимонах Дамаскинге (Симеонидис) және оның жетекшілігіндегі музыкалық ұжымға жоғары деңгейдегі орындауы үшін ризашылығын білдіріп, денсаулық, амандық және шығармашылық табыс тіледі.

Құлшылықтың тікелей көрсетілімі «Прообраз» YouTube арнасында «Елеос» қоғамдық қорының қолдауымен өтті (басшысы – В.М. Капсамун).

Қазақстан Православие Шіркеуінің Басшысы жамағатқа қасиетті суды септі.