Қазақстан Митрополиттік округі Басшысының Мәскеу Патриархиясының істері басшысы, Воскресенский митрополиті Григориймен кездесуі өтті

26 мамыр 2026 жыл. Мәскеу. Новоспасск монастырінде Қазақстан Православие Шіркеуінің Басшысы, Астана және Қазақстан митрополиті Александрдың Мәскеу Патриархиясының істері басшысы, Воскресенский митрополиті Григориймен кездесуі өтті.

Митрополит Александр әмірші Григорийге Қазақстандағы шіркеу өміріндегі негізгі оқиғалар туралы айтып, мамыр айында өткен халықаралық деңгейдегі іс-шаралар – «Пасхальная песнь» православиелік хор музыкасы фестивалі мен «Шығыс пен Батыстағы дін философиясы» атты IV халықаралық конференцияны ерекше атап өтті.

Митрополиттік округтің басшысы Іс басқарушысына Қазақстан Республикасының Президенті Қ.-Ж.К. Тоқаевтың митрополиттік хордың регенті, Ресейдің еңбек сіңірген өнер қайраткері О.Н. Овчинниковке «Қазақстанның еңбек сіңірген қайраткері» атағын беруі және төсбелгіні табыстауы туралы хабарлады. Митрополит әмірші елдің қазіргі тарихында тұңғыш рет православиелік хор ұжымының жетекшісінің мәдениет саласындағы айрықша жетістіктері мен Республика алдындағы ерекше еңбегі осындай жоғары марапатпен атап өтілгенін ерекше атап өтті.

Тараптар өзара қызығушылық тудыратын кең ауқымды мәселелер бойынша пікір алмасты. Әңгімелесушілер Қазақстандағы шіркеу-мемлекет қатынастары мен конфессияаралық диалог тақырыптарын талқылады, сондай-ақ Митрополиттік округтегі рухани білім беру мен ағартушылықты дамыту мәселелері қозғалды.

Әңгіме барысында митрополит Александр Қазақстанда биыл атап өтілетін рухани маңызды күндер – Алматының әулие азапкерлері Серафим мен Феогносттың қасиетті жәдігерлерінің табылғанына 25 жыл толуы және Жетісу қамқоршыларының монашеский ерліктері мен азап шегіп қаза тапқан жері – Ақсай шатқалындағы Серафим-Феогност ерлер монастырінің құрылғанына 30 жыл толуына арналған мерекелік жоспарларымен бөлісті.

Кездесу соңында архипастырлар бір-біріне денсаулық пен шіркеулік қызметте Құдайдың көмегін тіледі.