Астана және Қазақстан митрополиті Александр Алматы шіркеу округі храмдарының құрметті өкілі протоиерей Валерий Захаровты 75 жасқа толуымен құттықтады

2026 жылғы 8 маусымда Алматы шіркеу округі храмдарының құрметті өкілі , Никольский  соборының басшысы, митрофорлы протоиерей Валерий Захаров 75 жасқа толды.

Қазақстан Православие Шіркеуінің Басшысы, Астана және Қазақстан митрополиті Александр протоиерей Валерийге құттықтау жолдауын жолдады:

Аса құрметті Жоғары мәртебелі Валерий әке!

Сіздің мерейлі жасыңыз – 75 жасқа толуыңызбен шын жүректен құттықтауымды қабыл алыңыз!

Сіздің шіркеу игілігі жолындағы еңбектеріңіз сан қырлы әрі жемісті. Дана Жаратқан Ие Сізге ұзақ жылдар бойы Өзінің Қасиетті Тақының алдында тұрып, барлық адам үшін және барлығы үшін ризашылықтың Қансыз Құрбандығын шалу бақыты мен жауапкершілігін нәсіп етті.

Христостың адал қызметшісі әрі Құдай құпияларының басқарушысы болуға ұмтыла отырып (1 Кор. 4:1), Сіз өзіңізге сеніп тапсырылған дін қызметкерлері мен қауымның рухани өсуіне, жақындар мен алыстағылардың құтқарылу жолына түсуіне қамқорлық жасап келесіз.

Жаратқан Иеміз Құдай Сізге көптеген дарындар сыйлады және олардың барлығы Қасиетті Шіркеудің даңқы үшін атқарған ұзақ жылғы жанқиярлық әрі жемісті қызметіңізде өз орнын тапты.

Алматы қаласының рухани және тарихи маңызы зор қасиетті орны – Никольский соборының басшысы әрі Алматы шіркеу округінің құрметті өкілі ретінде Сіз Қазақстанның Оңтүстік астанасының рухани жаңғыруына елеулі үлес қосып келесіз.

Өзіңіз үшін маңызды осы мерекелі күні Сізге зор денсаулық, жан тыныштығы мен амандық тілеп, дұға бағыштаймын.

Өмір Сыйлаушы Жаратқан Ие Құдай Ең Қасиетті Анасының ара түсуімен, Қазақстанның жаңа азап шегушілері мен мойындаушыларының шапағатымен және Сіз діни қызмет атқарып жүрген қасиетті жәдігерлері алдында дұға ететін қасиетті діндар, Алматы және Қазақстан митрополиті Николайдың дұғаларымен Сіздің рухани және тән күш-қуатыңызды жаңартып, жігеріңізді нығайтып, Қазақстанның қасиетті жеріндегі Қасиетті Шіркеу игілігі жолындағы алдағы пастырлық еңбектеріңізге Өзінің жәрдемі мен қолдауын жаудыра берсін.

Сізге ұзақ ғұмыр мен игілік тілеймін!