Қазақстан Митрополиттік округінің епархияларындағы еске алу және аза тұту күні

2026 жылғы 22 маусым – еске алу және аза тұту күні – Ұлы Отан соғысының басталғанына 85 жыл.

Астана және Алматы епархиясы

Астана және Қазақстан митрополиті Александрдың батасымен Астана қаласындағы Успение кафедралды соборында иерей Сергий Пинигин диакон Максим Кузнецовпен бірге соғыс жылдарында қаза тапқан барлық боздақтардың рухына арнап панихида өткізді.

Құлшылық соңында «майдан даласында жанын қиған барлық қолбасшылар мен жауынгерлерге, жарақаттан және аштықтан қайтыс болғандарға, тұтқында және ауыр жұмыстарда жазықсыз азап шегіп қаза болғандарға, сондай-ақ Жеңіс жолында аянбай еңбек еткендердің барлығына» мәңгілік естелік жарияланды.

Панихида аяқталғаннан кейін иерей Сергий Пинигин жиналған қауымға Ұлы Отан соғысы жылдарында зардап шеккендердің ерлігін ұмытпай, олардың рухына тағзым етудің маңыздылығы туралы сөз сөйледі.

Алматы қаласындағы Вознесенский кафедралды соборында Оңтүстік астананың бас храмының кілтшісі, Қазақстан Митрополиялық округінің қоғаммен байланыс бөлімінің жетекшісі протоиерей Александр Суворов Ұлы Отан соғысы жылдарында қаза тапқан барлық боздақтарды дұғамен еске алды.

Кілтшіге қызмет еткендер: протоиерей Александр Ивлиев және протодиакон Николай Гринкевич.

Храмда дұға еткендер: қаладағы қоғамдық бірлестіктердің өкілдері, әскери қызметшілер және Оңтүстік астана храмдарының прихожандары.

Орал епархиясы

Орал және Атырау епископы Вианор соғыс жылдары госпиталь орналасқан Деркөл кенті маңындағы Николь ерлер монастырінің Үштік храмында Ұлы Отан соғысында қаза тапқандарды ерекше дұғамен еске алды.

Орал епархиясының басқарушысының батасымен Орал епархиясының ақпарат бөлімінің жетекшісі игумен Дорофей (Дильманаев) протоиерей Александр Пушинмен бірге Орал қаласындағы мемориалдық кешенде соғыс жылдарында қаза тапқандардың рухына панихида өткізді.

Құлшылықта дұға еткендер: Ресей Федерациясының Орал қаласындағы Бас консулы А.В. Грубый, Ресей Федерациясы Бас консулдығының қызметкерлері, қоғамдық бірлестіктердің өкілдері, әскери қызметшілер және қала храмдарының прихожандары.

Панихида соңында дін қызметкерлері қаза тапқан жауынгерлерге арналған ескерткішке гүл шоқтарын қойып, жиналған қауым «Мәңгілік естелік» әнін орындады.

Шымкент епархиясы

Шымкент және Түркістан епископы Хрисанфтың батасымен Шымкент епархиясының барлық храмдарында соғыс жылдарында қаза тапқандардың рухына арнап панихидалар оқылып, майдан даласында жанын қиған, жарақаттан және аштықтан қайтыс болған, тұтқында және ауыр жұмыстарда жазықсыз азап шегіп қаза болған барлық қолбасшылар мен жауынгерлерге, сондай-ақ Жеңіс жолында еңбек еткендердің барлығына дұғалар бағышталды.

Қостанай епархиясы

Қостанай епархиясының уақытша басқарушысы, Астана және Қазақстан митрополиті Александрдың батасымен Қостанай қаласындағы Константино-Еленинский кафедралды соборында Құдайлық Литургиядан кейін Қостанай епархиясының хатшысы иеромонах Геннадий (Бурдюжа) собор дін қызметкерлерімен бірге Ұлы Отан соғысы жылдарында қаза тапқандарды ерекше дұғамен еске алды.

Осы күні Қостанай және Рудный епархияларының барлық храмдарында сенімі мен Отаны үшін майдан даласында жанын қиған, жарақаттан және аштықтан қайтыс болған, тұтқында және ауыр жұмыстарда жазықсыз азап шегіп қаза болған, хабар-ошарсыз кеткен және Жеңіс жолында аянбай еңбек еткендердің барлығының рухына мәңгілік тыныштық беруін тілеп дұғалар оқылды.