Иеміздің Құбылу мерекесі қарсаңында митрополит Александр Алматының басты храмында түні бойы құлшылық еткізді

2026 жылғы 18 тамызда кешке, Иеміз Құдай әрі Құтқарушымыз Иса Мәсіхтің Құбылу мерекесі қарсаңында, Астана және Қазақстандық митрополит Александр Алматы қаласындағы Вознесенский кафедралды соборында түні бойы құлшылық етті.

Оңтүстік астананың басты храмында өткен құлшылық кезінде Қазақстан Православие Шіркеуінің Басшысына қызмет еткендер:Алматы епархиясының рухани ұстазы архимандрит Иоанн (Сазонов) және собордың дін қызметкерлері.

Құлшылық кезіндегі діни әндерді Митрополиттік округінің хоры (регент — Ресейдің еңбек сіңірген өнер қайраткері О.Н. Овчинников, хормейстер — В. Дударева) және Вознесенск соборының хоры (регент — Е. Богуславец) орындады.

Ұлы кешкі құлшылық кезінде шіркеу Жарғысына сәйкес лития (күшейтілген дұға ету) жасалып, нан, шарап, бидай және елей (май) қасиетті етілді.

Таңғы құлшылық кезінде Інжіл үзіндісі оқылғаннан кейін митрополит Александр жиналған қауымға уағызын айтып, онда Құтқарушының Құбылуының рухани мәні мен православ христиандары үшін маңызы туралы баяндады.

Құбылу мерекесіне арналған канон орындалған кезде діндарларға қасиелендірілген елей жағылды.

Мерекенің өзінде Қазақстан Православие Шіркеуінің Басшысы Оңтүстік астанадағы Вознесенский соборында Құдайы Литургияны өткізеді. Басталуы сағат 7:00-де.