Почаевтық әулие Иовты еске алу күні митрополит Александр Шымкент қаласындағы әулие Николай кафедралды соборында Литургияны өткізді

2026 жылғы 10 қазан – Почаев монастырінің игумені, әулие Иовты еске алу күні.

Астана және Қазақстан митрополиті Александр Шымкент қаласындағы әулие Николай кафедралды соборында Құдайдың Литургиясын өткізді. Аталған соборға бір күн бұрын кешке Тримифунт епископы, әулие Спиридонның қасиетті жәдігерлері салынған сандықша жеткізілген болатын.

Қасиетті жәдігерді Қазақстанға әкелуді «Eleos-Meirim» қоғамдық қоры (президенті – В.М. Капсамун) ұйымдастырды.

Қазақстан Православ Шіркеуінің Басшысына қызмет еткендер: Қарағанды және Шахтинск архиепископы Севастиан; Астана епархиясының викарийлері – Қаскелең епископы Геннадий және Талдықорған епископы Клавдиан; Шымкент және Түркістан епископы Хрисанф; Элладалық Православие Шіркеуінің Керкирск митрополиясының дін қызметкері – протопресвитер Эвангелос Кутрас; Оңтүстік Қазақстан шіркеу округінің құрметті өкілі, архимандрит Антоний (Соловьев); Шымкент қаласындағы әулие Николай кафедралды соборының дін қызметкері протоиерей Евгений Глущенко; Сарыағаш қаласындағы әулие Николай шіркеуінің басқарушысы протоиерей Алексий Лазутин; Митрополиттік округ басшысының әкімшілік хатшылығының жетекшісі иерей Георгий Сидоров; митрополиттің хаттама қызметінің жетекшісі протодиакон Роман Головин; протодиакон Алексий Горобченко; протодиакон Владимир Сыровацкий; протодиакон Александр Мокий.

Құлшылық кезінде дұға еткендер: Қазақстан Митрополиттік округінің хатшысы, Қазақстанның еңбек сіңірген қайраткері, Ресей Федерациясының еңбек сіңірген өнер қайраткері О.Н. Овчинников; «Eleos-Meirim» қоғамдық қорының президенті В.М. Капсамун; Шымкент қаласындағы шіркеулердің приходтары және жақын елді мекендерден келген қажылар.

Литургиядағы діни әндерді әулие Николай кафедралды соборының хоры орындады.

Қасиетті Дара тарту рәсімінен кейінгі жыр кезінде протоиерей Евгений Глущенко Астана және Қазақстан митрополиті Александрдың Тримифунт әулие Спиридонның қасиетті жәдігерлерінің Қазақстанға әкелінуіне орай жолдаған үндеуін оқып берді.

Құлшылық Тримифунт иерархына арналған мадақтау рәсімімен аяқталды.

Шымкент епархиясының басқарушысы Қазақстанға әулие Спиридонның қасиетті жәдігерлерін әкелуге батасын берген Мәскеу және бүкіл Русь Патриархы Кирилл Жоғары Мәртебеліге алғысын білдірді. Сондай-ақ ұлы қасиетті жәдігердің Митрополиттік округ епархиялары бойынша сапарын ұйымдастыруға атсалысқан Астана және Қазақстан митрополиті Александрға және «Eleos-Meirim» қоғамдық қорының президенті В.М. Капсамунға жылы лебізін білдіріп, ризашылығын жеткізді.

Қасиетті жәдігерлерді алып жүруге келген Керкирск, Пакси және Диапонт аралдарының митрополиті Нектарийге және Керкира митрополиясының дін қызметкерлеріне де алғыс айтылды.

Митрополиттік округтің Басшысы көптеген діндарларға қасиетті сумен бүркіп, содан кейін сенушілердің ұлы қасиетті жәдігерге тағзым етуі басталды.

Күні бойы әулие Николай кафедралды соборында Құдайдың сүйікті құлы – әулие Спиридонның қасиетті жәдігерлері алдында епархияның дін қызметкерлері әулиеге арналған дұға қызметтерін және акафистер оқуды жалғастырады.