Қазақстан митрополит округінің басшысы Минск Діни Академиясында болды

7 тамыз 2024 жыл. Минск. Минск және Заславский митрополиті Вениамин, Бүкіл Беларусь Патриархы экзархасы шақыруымен Беларусь еліне қажылық сапарымен келген Қазақстан Православие шіркеуінің басшысы, Астана және Қазақстан митрополиті Александр Минск Діни Академиясында болды.

Қазақстан Митрополиттік округінің басшысымен бірге қатысушылар: Өскемен және Семей архиепископы Амфилохий, Митрополит округінің хатшысы, Ресейдің еңбек сіңірген өнер қайраткері О.Н. Овчинников, Алматы православиелік діни семинариясының ректоры м.а. протоиерей Евгений Иванов, Митрополиттік округ басшылығының әкімшілік хатшылығының меңгерушісі иерей Георгий Сидоров, митрополиттік протокол қызметінің басшысы протодиакон Роман Головин, Өскемен епархиясының хатшысы диакон Илия Кван; Алматы епархиялық басқармасының қызметкерлері, Митрополит округінің негізін салуға үлесін қосқандар.

Патриархалды экзархтың батасымен митрополит Александрды және онымен бірге келген қазақстандық қажыларды академия ректоры архимандрит Афанасий (Соколов) қызметкерлері мен студенттерімен бірге қарсы алды. Делегация мүшелері Әулие Кирилл Туровский құрметіне арналған жеке үйде орналасқан шіркеуін, Митрополит Филарет (Вахромеев) атындағы кітапхананы, акт залын, оқу аудиторияларын және ректоратты аралады. Академияның кітапханасына билеуші митрополит Қазақстанда басып шығарылған діни және шіркеу-тарихи әдебиеттер жинағын сыйға тартты.

Діни ағарту саласындағы еңбегі мен Алматы діни семинариясы мен Минск діни академиясы арасындағы ынтымақтастықты дамытуға қосқан үлесін елей отырып, архимандрит Афанасий Жетісу ағартушысы Ташкент және Түркістан  архипескопы  Әулие Софонии (Сокольский) орденімен марапатталды.

Қазақстан митрополиті Александр мен академия ректоры Архимандрит Афанасий, Алматы діни семинариясының ректоры, протоиерей Евгений Иванов арасында өткен талқылау Беларусь пен Қазақстанның діни мектептері арасындағы ынтымақтастықты дамыту перспективалары тақырыбында өтті.

Кездесу соңында Митрополит Александр құрметті қонақтар кітабына өз жазбасын қалдырды: «Қазақстандық делегациямен бірге біз діни мектепте – Беларусь Православие Шіркеуінің Діни Академиясында болдық. Профессорлік-оқытушы құрамының  оқу ісіне  шын жүректен сәттілік тілейміз. Құдайдан бата тілей отырып, Митрополит Александр ».

Сол күні академиялық шіркеуде митрополит Александр Беларусь Православие Шіркеуінің Синодтық ақпарат бөлімінің «Прикосновение к свету» бағдарламасы жазбасына қатысып, Беларусь теледидары журналистерінің сұрақтарына жауап берді. Бағдарламаны жазуға техникалық қолдауды Академияның ақпараттық қызметі қамтамасыз етті.