Қоғаммен байланыс бөлімі басшысы мәдениетаралық діни сауаттылықты дамытуға арналған халықаралық семинар-тренингтің қатысушы болды

29–30 қаңтар 2026 жылы  Астана қаласында «SAAD» қонақ үйінің алаңында «Мәдениетаралық діни сауаттылықты дамыту» атты халықаралық семинар-тренинг өтті.

Іс-шара діни және мәдени алуандық мәселелеріне, диалог жүргізу мен этикалық өзара іс-қимыл дағдыларын дамытуға, сондай-ақ конфессияаралық және мәдениетаралық ортадағы шиеленістердің алдын алуға арналды.

Астана және Қазақстан митрополиті Александрдың батасымен семинар жұмысына Қазақстан Православие Шіркеуінің қоғаммен байланыс бөлімі басшысы, Алматы православиелік рухани семинариясының оқытушысы қатысты.

Тренинг дүниежүзіндегі ар-ождан және діни сенім бостандығы мәселелерімен айналысатын америкалық LYNС ұйымы, Қазақстан Республикасы Мәдениет және ақпарат министрлігінің Дін істері комитеті, Каспий университеті және Қазақстан Республикасы Бас прокуратурасының жанындағы Құқық қорғау органдары академиясы арасындағы ынтымақтастық аясында өтті.

Іс-шараға Республика прокуратура органдары қызметкерлерінің қатысуы талқыланған тақырыптардың тәжірибелік маңызын және олардың қоғамдық тұрақтылық пен құқықтық тәртіпті қамтамасыз етудегі өзектілігін көрсетті.

Сабақтар барысында протоиерей Александр жиналғандарға шіркеудің мемлекет пен қоғаммен конструктивті диалог жүргізудегі тәжірибесін таныстырып, діни сауаттылықтың экстремизм мен әлеуметтік қақтығыстардың алдын алудағы маңызды фактор екенін атап өтті.

Қатысушылар мұндай іс-шараларды өткізу қоғамдық кеңістікте дін мәселелеріне қатысты кәсіби әрі байыпты көзқарасты қалыптастыруға, сондай-ақ қазіргі қазақстандық қоғамда жауапты конфессияаралық өзара іс-қимыл мәдениетін дамытуға ықпал ететінін атап өтті.