16 қараша 2024 жыл. Алматы қаласы. Астана және Қазақстан митрополиті Александрдың батасымен митрополит Иосиф (Чернова) атындағы рухани-мәдени және әкімшілік орталығының тақ залында «Жібек жолындағы Шығыс христиандығы (П.П.Семенов-Тянь-Шанскийді еске алу)» атты халықаралық ғылыми конференциясы өтеді.
Конференцияның мақсаты – Орталық Азиядағы Орта ғасырлардағы христиан дінінің тарихы бойынша ғылыми зерттеулердің нәтижелерін таныстыру және талқылау.
Ғылыми форумның ұйымдастырушылары: Қазақстан митрополиттік округінің қоғаммен байланыс бөлімі, Алматы православиелік діни семинариясы, Қазақстанның Библиялық қоғамы, Қырғызстанның Библиялық қоғамы, Орыс географиялық қоғамы, Ә.Х.Марғұлан атындағы археология институты (Алматы қ , Қазақстан Республикасы), Қырғызстан Республикасының Ұлттық ғылым академиясының Б.Джамгерчинов атындағы археология және этнография институты.
Конференция жұмысына тарихшылар мен археологтар – Орталық Азиядағы ортағасырлық христиандықты зерттеу саласындағы жетекші сарапшылар қатысады.
Ғылыми форумның алдын ала бағдарламасымен осында қоса берілген құжатта танысуға болады.
Пікір жазу үшін жүйеге кіріңіз немесе тіркеліңіз!
Пікіріңіз сәтті қосылды және оны қазір сайт әкімшілігі қарастырып жатыр