22 қараша 2024 жыл. Алматы. Астана және Қазақстан митрополиті Александрдың батасымен митрополит Иосиф (Чернов) атындағы рухани, мәдени және әкімшілік орталығының тақ залында «Түркістан архиепископы, Жетісу ағартушысы Әулие Софониды (Сокольский) еске алуға арналған ХХІІ Алматы православиелік оқулары» атты халықаралық ғылыми конференция өтеді.
Бұл ғылыми форум «Филарет оқуларының» жалғасы болып табылады. Тиісті шешімді Алматы православиелік діни семинариясының Ғылыми кеңесі қабылдады.
Қазақстан митрополиттік округінің рухани-ағартушылық іс-шарасы ХХХІІІ Халықаралық Рождестволық оқуларының аймақтық кезеңі, Астана және Алматы епархиясының құрылғанына 25 жыл толуы және Қазақстан митрополиттік округінің канондық мәртебесін бекітудің 15 жылдығын мерекелеу аясында өтеді.
Конференцияның тақырыбы: «Ұлы Жеңістің 80 жылдығы: ұрпақ жады және рухани тәжірибесі».
Ғылыми форумның ұйымдастырушысы – Алматы православиелік діни семинариясы.
Конференцияға Орыс православие шіркеуінің діни оқу орындарының ректорлары мен оқытушылары, шіркеулік-тарихи және дінтану пәндер саласындағы мамандар қатысады.
Басты бет
Пікір жазу үшін жүйеге кіріңіз немесе тіркеліңіз!
Пікіріңіз сәтті қосылды және оны қазір сайт әкімшілігі қарастырып жатыр