Қазақстан Православие Шіркеуінің Басшысы, Астана және Қазақстан митрополиті Александрды Жарқын Христостың Қайта Тірілу мерекесімен Астана қаласы әкімінің м.а. Н. Нүркенов құттықтады:
Құрметті митрополит Александр!
Сізді Жарқын Пасха мерекесі – Христостың Қайта Тірілу күнімен шын жүректен құттықтаймын!
Бұл ұлы күн өмірдің салтанаты мен рухани жаңарудың белгісі болып табылады, адамдардың жанын жарқын сезімдерге бөлеп, ізгілікке деген сенімді нығайтады әрі мейірімділік пен бірлікке үндейді.
Осы ерекше сәтте қоғамдық тұрақтылықты сақтауға, түрлі этностар мен дін өкілдері арасындағы өзара түсіністікті дамытуға қосқан еңбегіңіз, көрегендігіңіз және елеулі үлесіңіз үшін шынайы ризашылығымды білдіргім келеді.
Бұл мереке өміріңізге жарық пен үйлесім әкеліп, алдағы қызметіңізге күш-қуат беріп, жаңа мүмкіндіктер ашсын.
Сізге зор денсаулық, барлық бастамаларыңызға толағай табыс және жан тыныштығын тілеймін!
Басты бет
Пікір жазу үшін жүйеге кіріңіз немесе тіркеліңіз!
Пікіріңіз сәтті қосылды және оны қазір сайт әкімшілігі қарастырып жатыр