Астана қаласының әкімі Ж.М. Қасымбектің Митрополиттік округ Басшысын туған күнімен құттықтауы

18 мамыр 2026 жыл. Астана қаласының әкімі Жеңіс Махмұдұлы Қасымбек Астана және Қазақстан митрополиті Александрды туған күнімен  құттықтады.

Қазақстан Православие Шіркеуінің Басшысы, Астана және Қазақстан митрополиті Александрға!

Туған күніңізге орай шынайы құттықтауымды қабыл алыңыз!

Сіз көптеген жылдар бойы жоғары рухани қызметті абыроймен атқарып, қоғамдағы бейбітшілік, келісім және өзара түсіністікті нығайтуға зор үлес қосып келесіз. Конфессияаралық диалогты дамытуға, рухани және адамгершілік құндылықтарды сақтауға бағытталған сан қырлы қызметіңіз терең құрмет пен ризашылыққа лайық.

Сіздің дана пастырлық сөзіңіздің, сындарлы қоғамдық ұстанымыңыздың және бірлік пен келісім мәселелеріне деген ерекше ықыласыңыздың арқасында өзара құрмет пен рухани бірлік дәстүрлері нығая түсуде.

Сізге зор денсаулық, амандық, рухани күш-қуат және халық пен ел игілігі жолындағы жауапты әрі ізгі қызметіңізде толағай табыстар тілеймін!