Лаос Президенті Тхонглун Сисулит Қазақстанның тарихи және мәдени жауһары – Алматыдағы Вознесенск кафедралды соборындп болды

3 қыркүйек 2026 жыл. Алматы қаласы. Қазақстанға ресми сапармен келген Лаос Президенті Тхонглун Сисулит Вознесенский кафедралды соборында болды.

Лаос Халықтық-Демократиялық Республикасының Президентін Алматы қаласы әкімінің орынбасары Б.М. Шаханов алып жүрді.

2025 жылы Мәскеу және бүкіл Ресей Патриархы Кирилл Лаос Президентіне I дәрежелі «Даңқ пен абырой» орденін табыстаған болатын. Лаос Республикасының басшысы Русь Православие Шіркеуіне көрсеткен көмегі үшін шіркеудің жоғары наградаларының бірімен марапатталған.

Астана және Қазақстан митрополиті Александрдың батасымен Алматының басты храмында қарсы алғандар: Лаос Президентін собордың кілтшысы, Митрополиттік округтің қоғаммен байланыс жөніндегі бөлімінің басшысы протоиерей Александр Суворов, Митрополиттік округ Басшысының әкімшілік хатшылығының жетекшісі иерей Георгий Сидоров және митрополиялық протокол қызметінің жетекшісі протодиакон Роман Головин.

Протоиерей Александр мен иерей Георгий жоғары мәртебелі қонаққа Жетісудің тарихи және мәдени жауһары саналатын Вознесенск соборының салыну тарихы, сәулет өнерінің бірегей ерекшеліктері және Алматының басты храмның қазіргі тыныс-тіршілігі туралы айтып берді.

Экскурсия барысында собордың 2017–2020 жылдары жүргізілген ауқымды кәсіби реставрация жұмыстарына жан-жақты тоқталды. Барлық жұмыстар Қазақстан Республикасының Мәдениет министрлігі мен ЮНЕСКО бақылауымен, Қазақстан, Ресей, Сербия, Италия, Германия және Франциядан шақырылған жоғары білікті мамандардың қатысуымен жүргізілгені атап өтілді.

Діни қызметкерлер 2019 жылы соборға барған Қазақстан Президенті Қ.-Ж. К. Тоқаевтың реставрация нәтижелерімен танысып, атқарылған бірегей жұмыстарға жоғары баға бергенін және жүзеге асырылған жобаны «Қазақстанның халықтық қасиетті орнының екінші рет дүниеге келуі» деп атағанын атап өтті.

Лаос Президенті жылы қабылдағаны үшін ризашылығын білдіріп, Қазақстан Митрополиттік округінің Басшысына алғысын жеткізді. Қонақ Православие Шіркеуінің елдің тарихи және мәдени мұрасын сақтауға бағытталған қызметіне жоғары баға беріп, собордың Қазақстанның рухани ұлылығының символы ретіндегі маңызын атап өтті.

Храмға жасаған сапарының естелігі ретінде қонаққа Вознесенский кафедралды соборы туралы кітап және Қазақстанның еңбек сіңірген қайраткері, Ресей Федерациясының еңбек сіңірген өнер қайраткері О.Н. Овчинниковтың жетекшілігіндегі Митрополиттік округ хорының музыкалық альбомы сыйға тартылды.