Митрополит Александр мен әулие Спиридонның қасиетті сүйектерін алып жүрген делегацияның Байқоңыр қаласы әкімшілігінің басшысы К.Д. Бусыгинмен кездесуі өтті

7 қазан 2026 жыл. Байқоңыр. Қалалық әкімдік ғимаратының үлкен залында Астана және Қазақстан митрополиті Александрдың Байқоңыр қаласы әкімшілігінің басшысы Константин Дмитриевич Бусыгинмен кездесуі өтті.

Кездесуге қатысқандар:  Православие Шіркеуі тарапынан Қазақстан Митрополиттіу округінің хатшысы, Қазақстанның еңбек сіңірген қайраткері, Ресей Федерациясының еңбек сіңірген өнер қайраткері О.Н. Овчинников; Ақтөбе және Қызылорда епископы Игнатий; Астана епархиясының викарийі, Талдықорған епископы Клавдиан; Митрополиялық округ басшысының әкімшілік хатшылығының жетекшісі иерей Георгий Сидоров; митрополиттің протокол қызметінің жетекшісі протодиакон Роман Головин; «Eleos-Meirim» қоғамдық қорының президенті В.М. Капсамун; Элладаның Православие Шіркеуінің Керкира митрополиясы делегациясының өкілдері – протопресвитер Эвангелос Кутрас, протопресвитер Фома Костамонитис, Павел Спиридонис және Спиридон Агафос. Зайырлы билік тарапынан кездесуге Қызылорда облысы әкімінің орынбасары, Қазақстан Республикасы Президентінің «Байқоңыр» кешеніндегі арнайы өкілі Қ.Ы. Нұртай; ғарыш айлағы бастығының м.а.«ЦЭНКИ» АҚ – «Оңтүстік» ғарыш орталығы филиалының директоры А.Н. Макеев; қалалық әкімдік өкілдері, қоғамдық және этномәдени бірлестіктердің басшылары, қоғам өкілдері, қаладағы православие дінін ұстанушылар, мемлекеттік және жекеменшік БАҚ журналистері.

Қала әкімшілігінің басшысы митрополит Александрды және Элладаның Православие Шіркеуінің өкілдерін жылы қарсы алып, Митрополиттік округ Басшысына және грек дін қызметкерлеріне Байқоңыр қаласына христиан әлеміне кеңінен танымал қасиетті жәдігер – Тримифунт әулиесі Спиридонның қасиетті сүйектерін әкелу бастамасы мен оны ұйымдастырғаны үшін алғысын білдірді.

Кездесу барысында К.Д. Бусыгин қонақтарға Қазақстанның ғарыш астанасының тыныс-тіршілігі, қаланың әлеуметтік-экономикалық дамуы және қалалық инфрақұрылымды абаттандыру жобаларының жүзеге асырылуы туралы айтып берді. Атап айтқанда, Константин Дмитриевич 1 қазанда жаңартылған қалалық Мәдениет және демалыс саябағының салтанатты түрде ашылғанын хабарлады. Қала әкімшілігінің басшысының айтуынша, жаңартылған саябақ жергілікті тұрғындардың отбасылық демалысына арналған негізгі орындардың біріне және мәдени әрі қоғамдық іс-шаралар өткізілетін басты алаңға айналуы тиіс.

Қазақстан Православие Шіркеуінің Басшысы қалалық әкімдік басшысымен және кездесуге қатысушылармен Г.М. Шубников атындағы қалалық саябақта орналасқан «Байқоңыр» ғарыш айлағы тарихының ашық аспан астындағы жаңа мұражайына және Ең Қасиетті Құдай Анасының «Жанбаған бұта» иконасы құрметіне арналған шіркеуге барғаны туралы жақсы әсерлерімен бөлісті. Митрополит Константин Дмитриевичке қаладағы православие дінін ұстанушылардың қажеттіліктеріне көңіл бөлгені және Ақтөбе епархиясының архиерейлік ауласы аумағындағы реставрациялық және қалпына келтіру жұмыстарына белсенді қатысқаны үшін ерекше алғысын білдірді.

Грек делегациясының өкілдері ел бойынша сапарынан, атап айтқанда, Байқоңыр қаласының көрікті жерлерімен танысудан алған жақсы әсерлерімен бөлісті. Шетелдік қонақтар қала әкімшілігінің басшысына және кездесуге қатысушыларға Тримифунт әулиесі Спиридонның өмір жолының негізгі кезеңдері және ұлы Құдайдың құлының дұғалары арқылы жасалған көптеген ғажайыптар туралы айтып берді.

Кездесу барысында Митрополитік округ Басшысы Митрополиялық округтің шіркеулік наградаларын табыстады.

«Ынталы қызмет үшін» орденімен:

• Байқоңыр қаласы басшысының орынбасарлары Н.П. Адасев пен С.П. Летягин, қала әкімшілігінің бақылау басқармасының басшысы А.В. Радаев – Байқоңыр қаласы әкімшілігі мен Қазақстан Республикасындағы Орыс Православие шіркеуінің Митрополиялық округі арасындағы қарым-қатынастарды дамытуға қосқан еңбегі үшін;
• Қызылорда облысы әкімінің орынбасары, Қазақстан Республикасы Президентінің «Байқоңыр» кешеніндегі арнайы өкілі Қ.Ы. Нұртай – Қызылорда облысы әкімдігі мен Қазақстан Республикасындағы Орыс Православие Шіркеуінің Митрополиттік округі арасындағы қарым-қатынастарды дамытуға қосқан еңбегі үшін;
• «С.П. Королев атындағы «РКК «Энергия»» ПАО-ның «Байқоңыр» филиалының басшысы К.Ж. Абдубатаев – «Роскосмос» ғарыш қызметі жөніндегі мемлекеттік корпорациясы мен Қазақстан Республикасындағы Орыс Православие Шіркеуінің Митрополиялық округі арасындағы қарым-қатынастарды дамытуға қосқан еңбегі үшін;
• «САВИК» ЖШҚ бас директоры Р.Р. Галиулин, «Компания Энергостроймонтаж» ЖШҚ директоры О.П. Буйневич, «Арсенал+» ЖШҚ бас директоры А.А. Хрыпко, «Алекс-Сервис» ЖШҚ бас директоры А.Н. Ладейщиков, ктиторлар А.Е. Евдокимов пен В.В. Абдрахманов – Қазақстан Республикасындағы Орыс Православие Шіркеуінің Митрополиттік округінің игілігі жолындағы еңбектері үшін марапатталды.

Байқоңыр қаласы әкімшілігі мен Қазақстан Республикасындағы Орыс Православие Шіркеуінің Митрополиялық округі арасындағы қарым-қатынастарды дамытуға қосқан еңбегі үшін «Қарағандылық әулие Севастиан» ордені Байқоңыр қаласы әкімшілігінің басшысы К.Д. Бусыгинге табысталды.

Жоғары мәртебелі митрополиті марапатталғандарды құттықтап, оларға зор денсаулық, ұзақ ғұмыр және Жаратқан Иенің рақымын тіледі.

Достық жағдайда өткен кездесудің соңында тараптар естелік сыйлықтар мен ізгі тілектер алмасты.

Өткен брифинг барысында Митрополиялық округ басшысы және грек делегациясының өкілдері мемлекеттік және жекеменшік БАҚ журналистерінің Қазақстанда Тримифунт әулиесі Спиридонның қасиетті жәдігерлерінің сапары туралы сұрақтарына жауап берді.