Алматыда Ұлы Жеңіс күніне арналған қабылдау өтті

2026 жылғы 7 мамырда, Ұлы Отан соғысындағы Жеңіс күнін мерекелеу қарсаңында, Ресей Федерациясының Алматыдағы Бас консулдығының атынан салтанатты қабылдау ұйымдастырылды.

Мерекенің құрметті қонағы Қазақстан Православие Шіркеуінің Басшысы, Астана және Қазақстан митрополиті Александр болды.

Шақырылғандардың қатарында болғандар: Қазақстан Митрополиттік округінің істері басшысы Қаскелең епископы Геннадий; Митрополиттік округтің хатшысы, Ресей Федерациясының еңбек сіңірген өнер қайраткері О.Н. Овчинников; Митрополиттік округ Басшысының әкімшілік хатшылығының жетекшісі, иерей Георгий Сидоров; митрополиттің хаттама қызметінің жетекшісі, протодиакон Роман Головин.

Жиналған қауымды Жеңіс күнімен Ресей Федерациясының Оңтүстік астанадағы Бас консулы Д.А. Тураев пен Беларусь Республикасының Алматыдағы Бас консулы Д.В. Мелешкин құттықтады.

Мереке қатысушыларына митрополит Александр сөз сөйледі. Архипастырь ұлттары мен конфессиялары, мәдениеттері мен саяси көзқарастары әртүрлі адамдарды біріктіретін айтулы мерекенің жақындауына байланысты құттықтау сөздерін айтып, соғыс және еңбек ардагерлеріне, тыл еңбеккерлеріне шынайы алғысын білдірді.

«Қасиетті Пасха күндерінде аталып өтетін Ұлы Жеңіс біздің тарихымыздың, мәдениетіміздің, рухани санамыздың сабақтастығын нығайтуға қызмет етсін және Ұлы даладағы көпұлтты әрі көпконфессиялы халықты адал еңбекке, бейбіт өмірге, риясыз игі істерге, жақындарға және қасиетті Қазақстанға қызмет етуге шабыттандырсын», – деп атап өтті Митрополиттік округтің Басшысы өз сөзінің соңында.

Қонақтарға концерттік бағдарлама ұсынылды. Бағдарламаға қатысушылардың бірі Алматы епархиясының Орталық жексенбілік мектебінің тәрбиеленушілер ұжымы болды (директоры – митрополит Иосиф (Чернов) атындағы сыйлықтың лауреаты Галина Черепанова; хореографы Мария Привалова).