Қаскелең епископы Геннадий Собораралық қатысудың қоғамдық өмір, мәдениет, ғылым және ақпарат мәселелері жөніндегі комиссиясының отырысына қатысты

23 маусым 2026 жыл.Мәскеу. Орыс Православие Шіркеуінің Баспа кеңесінде аралас (офлайн және онлайн) форматта Собораралық қатысудың қоғамдық өмір, мәдениет, ғылым және ақпарат мәселелері жөніндегі комиссиясының «Шіркеу және кинематография: дәстүрлі құндылықтарды қорғау саласындағы ынтымақтастықтың келешегі» атты жұмыс тобының отырысы өтті.

Отырысты комиссия төрағасы, Орыс Православие Шіркеуінің Баспа кеңесінің төрағасы, Калужск және Боровск митрополиті Климент жүргізді.

Модератор ретінде «Шіркеу және кинематография: дәстүрлі құндылықтарды қорғау саласындағы ынтымақтастықтың келешегі» жұмыс тобының жетекшісі, Ресей Федерациясы Мемлекеттік Думасының азаматтық қоғамды дамыту, қоғамдық және діни бірлестіктер мәселелері жөніндегі комитеті төрағасының бірінші орынбасары, «Алтын Витязь» халықаралық славян өнер форумының президенті Н.П. Бурляев сөз сөйледі.

Іс-шараға қатысқандар: Собораралық қатысудың қоғамдық өмір, мәдениет, ғылым және ақпарат мәселелері жөніндегі комиссиясының мүшелері: Астана епархиясының викарийі, Қаскелең епископы Геннадий мен протоиерей Владимир Вигилянский, «Шіркеу және кинематография: дәстүрлі құндылықтарды қорғау саласындағы ынтымақтастықтың келешегі» жұмыс тобының хатшысы, Мемлекеттік Думаның «Қоғам және мәдениет» жұмыс тобының хатшысы В.Г. Леонтьев, сондай-ақ шақырылған сарапшылар – «Алтын Витязь» кинофорумының бағдарламалық директоры А.Г. Семенюк, Ресей Федерациясы Кинематографистер одағының мүшесі, «Әлемге нұр» кинофестивалінің ұйымдастыру комитетінің мүшесі И.Н. Дядченко, Ресей Федерациясы Кинематографистер одағы басқармасының мүшесі, «Радонеж» кинофестивалі қазылар алқасының мүшесі Н.В. Кононенко, Мәскеу мемлекеттік педагогикалық университетінің Кино педагогикасы және медиамәдениет орталығының жетекші маманы А.Ю. Захарова, «Кездесу» кинофестивалінің продюсері С.В. Герасимова, психология ғылымдарының докторы М.Я. Дворецкая, Ресей Федерациясы Кинематографистер одағының Рязань облысындағы өкілдігінің жетекшісі Н.В. Алексенцева, режиссерлер С.А. Подивилов, Н.В. Федченко, В.Г. Тимощенко, сондай-ақ Баспа кеңесі аппаратының қызметкерлері – иеромонах Августин (Пирогов), М.А. Киреев және В.А. Курицына.

Отырысты ашқан Калужск және Боровск митрополиті Климент киноның кітап сияқты «ұзақ уақыт бойы әсер етіп, адамдардың жадында сақталатынын», ал оның қандай болатыны және адамдарға не сыйлайтыны оны жасаушыларға байланысты екенін атап өтті.

Отырысқа қатысушылардың баяндамалары кинодағы этикалық және эстетикалық бастауларға, кино туындыларын жасаушылардың жан-жақты білім алуының маңыздылығына, сондай-ақ фильм түсіру барысында жаңа технологиялардың, соның ішінде жасанды интеллекттің, шынайы шығармашылықпен арақатынасына арналды.

Іс-шара барысында фильмдер дәстүрлі адамгершілік құндылықтарға негізделуі тиіс екені бірнеше рет атап өтілді. Сондай-ақ режиссерлер үшін көрерменнің кері байланысы аса маңызды екені айтылды.