Қазақстан Митрополиттік округі Істері Басшысы қоғамдық өмір, мәдениет, ғылым және ақпарат мәселелері жөніндегі Собораралық қатысу комиссиясының отырысына қатысты

24 маусым 2026 жыл. Мәскеу. Орыс Православие Шіркеуінің Баспа кеңесінде аралас (күндізгі және қашықтан) форматта қоғамдық өмір, мәдениет, ғылым және ақпарат мәселелері жөніндегі Собораралық қатысу комиссиясының отырысы өтті.

Отырысты комиссия төрағасы, Баспа кеңесінің төрағасы, Калужск және Боровск митрополиті Климент басқарды.

Кездесуге қатысқандар: Синодтың Шіркеудің қоғаммен және бұқаралық ақпарат құралдарымен байланыс бөлімі төрағасының орынбасары В.В. Кипшидзе (комиссия хатшысы); Пермь және Кунгур митрополиті Мефодий; Синодтың Қарулы Күштермен және құқық қорғау органдарымен өзара іс-қимыл бөлімі төрағасы, Синодтың казачествомен өзара іс-қимыл комитетінің төрағасы, Ставрополь және Невинномысск митрополиті Кирилл; Бобруйск және Быхов епископы Серафим; Қазақстан Митрополиттік округінің Істері басшысы, Қаскелең епископы Геннадий; Мәскеу Патриархиясы баспасының бас редакторы, Балашиха және Орехово-Зуево епископы Николай; Переславль және Углич епископы Феоктист; Введен ставропигиалды ерлер монастырі – Оптина монастырінің басшысы, Можайск епископы Иосиф; Орыс Православие Шіркеуінің еуропалық халықаралық ұйымдар жанындағы өкілі, Мәскеу Патриархатының Еуропа Кеңесіндегі өкілі архимандрит Филипп (Рябых); Вятка епархиясының шіркеу-тарихи орталығының жетекшісі протоиерей Александр Балыбердин; «Мәскеу Патриархиясының журналы» жауапты редакторы протоиерей Петр Иванов; Мәскеу Епархиялық кеңесі жанындағы ақпараттық комиссияның төрағасы діни қызметкер Александр Волков; Минск рухани академиясының оқытушысы, Беларусь мемлекеттік университетінің Теология институтындағы библиистика және христиандық ілім кафедрасының доценті діни қызметкер Святослав Рогальский; Мәскеу Патриархатының Сыртқы шіркеулік байланыстар бөлімінің қызметкері діни қызметкер Андрей Титушкин; Ресей Федерациясы Мемлекеттік Думасының VIII шақырылым депутаты, «Алтын Витязь» халықаралық славян өнер форумы президенті, Патриархтың мәдениет жөніндегі кеңесінің мүшесі, Ресей Федерациясы Мәдениет министрлігі жанындағы Қоғамдық кеңестің мүшесі Н.П. Бурляев; Православие әйелдер одағының тең төрайымы Н.Б. Жукова; «Православие энциклопедиясы» шіркеулік-ғылыми орталығының жетекшісі С.Л. Кравец; «Православная беседа» журналының бас редакторы В.В. Лебедев; «Радонеж» православие қоғамының төрағасы Е.К. Никифоров; М.В. Ломоносов атындағы Мәскеу мемлекеттік университеті саясаттану факультетінің әлеуметтік-саяси ілімдер тарихы кафедрасының профессоры С.В. Перевезенцев; «Царьград» телеарнасының идеология бөлімінің жетекшісі, Дүниежүзілік орыс халық соборының баспасөз хатшысы М.А. Тюренков; Мәскеудегі Христиан әдебиеті кітапханасының директоры С.Л. Худиев; Д.С. Лихачев атындағы Ресей мәдени және табиғи мұра ғылыми-зерттеу институтының мәдениеттану бөлімінің аға ғылыми қызметкері П.А. Шашкин; Мемлекеттік Думаның «Қоғам және мәдениет» жұмыс тобының хатшысы В.Г. Леонтьев, сондай-ақ Баспа кеңесі төрағасының көмекшілері иеромонах Августин (Пирогов) пен М.А. Киреев.

Комиссия төрағасы, Калужск және Боровск митрополиті Климент қоғамдық өмір, мәдениет, ғылым және ақпарат мәселелері жөніндегі Собораралық қатысу комиссиясы отырысын ашқан сөзінде бұл жолғы кездесуде адам өмірінің тұтастығын қалыптастыратын немесе оған нұқсан келтіретін маңызды мәселелер қарастырылатынын атап өтті. Ол отбасы институтын нығайтуға ықпал ету және «техникалық дамудың адамгершілік шекараларын» айқындау аса маңызды екенін ерекше айтты.

Комиссия хатшысы В.В. Кипшидзе талқылауға «Ресейдегі демографиялық дағдарыс туралы» құжаттың жобасын ұсынды. Комиссия мүшелері құжатты елеулі түрде жетілдіру қажет деген ортақ пікірге келді.

Одан кейін «Шіркеу және кинематография: дәстүрлі құндылықтарды қорғау саласындағы ынтымақтастықтың перспективалары» атты жұмыс тобының жетекшісі Н.П. Бурляев осы тақырып аясында өткізілген іс-шаралар мен сол кездесулер барысында айтылған ұсыныстар туралы баяндама жасады.

«Христиандық этика және әлеуметтік әділеттілік» тақырыбын жұмыс тобының жетекшісі, Қаскелең епископы Геннадий таныстырды. Ол құжатпен жұмыс жүргізудің кезеңдеріне тоқталып, оның құрылымы мен мазмұнына қатысты түсініктемелер берді. Сондай-ақ комиссия мүшелерінің құжатты жетілдіруге қатысты өз ұсыныстарын жолдай алатын мерзімі белгіленді.

Одан кейін «Жасанды интеллект және ғылыми-техникалық дамудың христиандық дүниетанымға төндіретін өзге де сын-қатерлері» тақырыбын зерттеу жөніндегі жұмыс тобының жетекшісі, Переславль және Углич епископы Феоктист пен топ хатшысы иерей Александр Волков сөз сөйледі. Олар құжатты әзірлеуге шіркеулік және зайырлы жоғары оқу орындарының мамандарын тарту, жұмыс тобы өткізген іс-шаралар, қол жеткізілген нәтижелер және алдағы жоспарлар жөнінде баяндады. Талқылау қорытындысы бойынша жаңа ақпараттық технологияларға қатысты Шіркеудің ұстанымын білдіретін құжатпен жұмысты жалғастыру туралы шешім қабылданды.

Жиынға қатысушылардың барлығына Калужск және Боровск митрополиті Климент пен профессор Александр Ильинскийдің «Код пен ар-ождан арасында: жасанды интеллект және адам» атты кітабы табысталды. Бұл еңбек те аталған тақырыпты дамытуға үлес қосып, қазіргі қоғамды толғандыратын өзекті мәселелер бойынша кең аудиторияның танымын арттыруға арналған.

«Тарихи Русь халықтарының қазіргі заманғы сын-қатерлер жағдайындағы бірлігі» бағыты бойынша жұмыс тобының қызметін оның жетекшісі Можайск епископы Иосиф пен топ хатшысы С.В. Перевезенцев таныстырды. Епископ Иосиф өз баяндамасында әзірленіп жатқан құжаттың әрбір бөліміне жеке-жеке тоқталды. Комиссия мүшелері құжатқа бірқатар өзгерістер мен толықтырулар енгізуді ұсынды. Сондай-ақ барлық ұсыныстар мен ескертулерді комиссия хатшысы мен жұмыс тобының мүшелеріне жолдау мерзімі белгіленді.

«Жаһандану жағдайындағы рухани және мәдени бірегейлік» атты құжатпен жүргізіліп жатқан жұмыс туралы П.А. Шашкин баяндады.

Отырысты қорытындылаған митрополит Климент комиссия мүшелерінің келесі отырысқа дейін орындауы тиіс практикалық міндеттерді еске салып, барша қатысушыларға еңбектеріне Құдайдың жар болуын тіледі.

Орыс Православие Шіркеуі Баспа кеңесінің порталы материалдары негізінде.