Қасиетті Патриарх Кириллдің Астана және Қазақстан Митрополиті Александрға жолдаған алғыс хаты

Мәскеу және Бүкіл Русь Патриархы Кирилл Астана және Қазақстан Митрополиті Александрға Қазақстан Республикасындағы Орыс Православие Шіркеуінің Митрополиттік округіне сапарын ұйымдастырғаны үшін алғысын білдірді.

Астана және Қазақстан митрополиті, Қазақстан Республикасындағы Орыс Православие Шіркеуінің Митрополиттік округінің басшысы, Орыс Православие Шіркеуінің Қасиетті Синодының Тұрақты мүшесі Жоғары Мәртебелі аса құрметті Александрға, 

Жоғары Мәртебелі!

Менің Қазақстан Республикасындағы Орыс Православие Шіркеуінің Митрополиттік округіне сапарымды ұйымдастырғаныңыз үшін Сізге және Сіздің әріптестеріңізге үлкен алғысымды білдіремін.

Бір кездері Мәсіх үшін азап шеккен көптеген жаңа шейіттер мен мойынсұнушылар азап шеккен бұл жерге мен ерекше сезіммен қайта бардым. Қазір мұнда шіркеу өмірінің жанданып, дамып келе жатқаны, дінге сенушілер санының артып, дінаралық байланыстардың нығаюы қуантады.

Өткізілген іс-шаралардың жоғары деңгейін қуанышпен атап өткім келеді. Қазақстан жерінде нұрын шашқан Бүкіл әулиелердің құрметіне қазіргі таңда салынып жатқан рухани-ағартушылық орталықтың құрамына кіретін әулие Сергий Радонежский шіркеуінің қасиетті рәсімі айтулы оқиға болды. Жақында Президент Қасым-Жомарт Кемелұлы Тоқаевпен және басқа да мемлекеттік қызметкерлермен болған кездесуді маңызды деп санаймын. Біздің кездесуіміз Қазақстан басшылығының Православие Шіркеуінің дінаралық татулық пен азаматтық келісімді нығайтуға қосқан үлесін жоғары бағалайтынын тағы да растады.

Қарым-қатынастың мұндай жоғары деңгейіне Сіз бен Сізге сеніп тапсырылған дін қызметкерлерінің басқа дін өкілдерімен және зайырлы билік өкілдерімен сындарлы диалог құрудағы қажырлы еңбегінің арқасында қол жеткізілді. Өткізілген құдайлық қызметтер, сондай-ақ діни қызметкерлермен және сенушілермен қарым-қатынастар менің жанымда ең жылы естеліктер қалдырды.

Мен Қазақстанда теологиялық білімнің қарқынды дамып келе жатқанын қуана құрмет тұтамын: Алматы рухани семинариясы Құдай халқын сенім мен ізгілікте нығайтатын тәлімгерлердің жаңа ұрпақтарын дайындап жатыр.

Сізге, Қазақстан Республикасындағы Орыс Православие Шіркеуінің Митрополиттік округінің діни қызметкерлері мен сенушілеріне, алдағы уақытта Христос жолындағы еңбектеріңізде күш-қуат пен Құдайдың жомарт көмегін тілеймін.

Иемізге деген сүйіспеншілікпен,

+КИРИЛЛ, МӘСКЕУ ЖӘНЕ БҮКІЛ РУСЬ ПАТРИАРХЫ