Қасиетті Патриарх Кириллдің Ішімдіктен бас тарту күніне орай үндеуі

Қасиетті Патриарх Кирилл Бүкілресейлік Ішімдіктен бас тарту күніне орай үндеу жасады:

Иеміздегі сүйікті аса құрметті архипастырлар! Қадірлі әкелер, қымбатты бауырлар мен әпке-сіңлілер!

Бүгін Қасиетті Шіркеу Иеміздің Шомылдыру рәсімін жасаушы Иоанның басының кесілу оқиғасын еске алады. Құдайдың ақиқатына адалдығы үшін ұлы пайғамбар жүрегі қатайған патшаның қолынан шейіт болып қаза тапты. Арақ-шараптың әсерінен онсыз да тақуалық өмір сүрмеген Ирод ессіздікке жетіп, азғындыққа берілді (Еф. 4:19) және әділ жанды өлтіру арқылы зинақорлық күнәсін одан әрі ауырлатты.

Азғыруға түспеу үшін сергек болып, дұға ету қажеттігін еске салу мақсатында (Мф. 26:41), Шіркеу осы мереке күні Трезвость күнін белгіледі. 

Бүгін оқылған Інжіл мәтініне құлақ асып, әрбір адам өз әлсіздіктері мен күнәлі әдеттеріне қарсы күрес жолына түсуі үшін осылай жасалды.

Ал шарап ішу күнәсіне жеңіл-желпі әрі кешірімділікпен қарайтындар үшін Задонскілік әулие Тихонның мына Ібіліс сән-салтанат пен маскүнемдікті еш нәрседен артық жақсы көрмейді, өйткені оның зұлым еркін маскүнем сияқты ешкім де соншалықты орындамайды деп ескерткен (Шынайы христиандық туралы).

Ішімдіктен бас тарту күні тек масайтатын сусындарды қолдануға қатысты емес, сонымен қатар кез келген тәуелділікке де қатысты. Смартфоннан немесе компьютерлік ойыннан қол үзе алмайтын адам да зиянды әуестік пен әдеттердің тұтқынында болады және өз ерік-жігерін нығайтуды қажет етеді. Нәпсіге ие болмаудың қандай ауыр зардаптарға әкелетінін түсіну маңызды: ол адамды күнәнің құлына айналдырып, жанын өлтіреді. Сондықтан Шіркеу бізді қасиетті әкелердің ғасырлар бойы жинақталған бай аскеттік тәжірибесіне қосылуға шақырады.

Ұлы пайғамбар, Ізашар Иоанның дұғалары арқылы Мейірімді Иеміз баршамызға тақуалық өмір сүруге, рухани сергектік пен жүрек тазалығын сақтауға жәрдем етсін.

+ КИРИЛЛ МӘСКЕУ ЖӘНЕ БҮКІЛ РЕСЕЙ ПАТРИАРХЫ