Қазақстан мұсылмандары Діни басқармасының төрағасы православие дінін ұстанушыларды Рождество мерекесімен құттықтады

Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы Астана және Қазақстан митрополиті Александрды және Республиканың православие дінін ұстанушыларын Рождество мерекесімен құттықтады.

 

Құттықтау хатында, атап айтқанда, былай делінген: «Терең рухани мәні бар бұл мереке бүкіл әлемдегі барлық православ христиандарын біріктіреді. Әділдік пен жақынға деген сүйіспеншілік, адалдық пен еңбекқорлық, берік отбасы мен өзара түсіністік, мейірімділік пен татулық – бұл құндылықтар мемлекетіміз бен қоғамымыздың дамуының негізінде жатыр. Ал барлық дәстүрлі діндердің негізі – Жаратушыға, жақынға деген сүйіспеншілік, жер бетіндегі тіршілік сүйіспеншілікке негізделген.Нағыз діндар мұсылмандар, христиандар, өзге дінді ұстанушылар әрдайым жақсылықты уағыздап, елімізде ынтымақ пен тыныштықты нығайту үшін дұға жасайды. Қазақстан Президенті, аса құрметті Қасым-Жомарт Тоқаев конфессияаралық келісім мемлекетіміздің табысты дамуының маңызды факторларының бірі екенін бірнеше рет атап өтті. Бұл туралы Мемлекет басшысы, аса құрметті Қасым-Жомарт Тоқаев өз сөзінде үнемі айтып отырады. Тарихтан белгілі болғандай, ежелгі қазақ жері бойынша барлық әлемдік діндер өткен, сондықтан да төзімсіздік бізге генетикалық тұрғыдан жат. Дәл осы рухани дәстүр Қазақстандағы конфессияаралық келісімнің маңызды негіздерінің бірі».

 

Бас мүфтидің айтуынша, ислам мен православие адамгершілік, жанашырлық, жақынға деген сүйіспеншілік идеяларымен және жарқын болашаққа деген үмітпен сусындаған.

 

Қазақстан мұсылмандары діни басқармасының төрағасы: «Біздің бәрімізге мынаны есте сақтау үшін, жер бетінде бейбітшілік үшін дұғада бірігуіміз керек: Бір Жаратушыға деген сенімге сүйенбей елдің ғана емес, адамзаттың одан әрі толық дамуы мүмкін емес.