Қаскелең епископы Геннадий «Әлемнің тұрақты дамувна қол жеткізудегі дін лидерлердің рөлі» атты халықаралық онлайн-конференцияға қатысты

21 мамыр 2025 жылы Астана қаласындағы Халықаралық конфессияаралық және дінаралық диалог орталығында «Әлемнің тұрақты дамуына қол жеткізудегі дін лидерлердің рөлі» атты халықаралық онлайн-конференциясы  өтті.

Іс-шара ағымдағы жылдың 17-18 қыркүйегінде Қазақстан астанасында өтетін Әлемдік және дәстүрлі діндер лидерлерінің VIII Съезі аясында өтті.

Конференцияға  Республиканың мемлекеттік басшылығының, ғылыми-сараптамалық қоғамдастықтың және діни ұйымдардың өкілдері, сондай-ақ Қазақстан, Ресей, Египет, Катар, Әзірбайжан, Үндістан, Таиланд және басқа елдердің ғылыми қайраткерлері қатысты.

Астана және Қазақстан митрополиті Александрдың батасымен форумға

Қазақстан Митрополиттік округінің істері басшысы Қаскелең епископы Геннадий қатысты. Аса Мәртебелі діни өмірдің заманауи мәселелері және сенім туы астында экстремизм мен терроризм сын-қатерлері туралы онлайн презентациясын ұсынды.

Архипастор түрлі деңгейдегі діни ағымдар өкілдерінің өзара іс-қимылын дамыту қажеттігін атап өтті. Билеушінің ойынша, бұл, ең алдымен, теологиялық диалог, қарапайым қауым өкілдері деңгейіндегі бірлескен іс-шаралар және мәдени-танымдық іс-шаралар – фестивальдер, спорттық жарыстар.

Баяндамашы Қазақстанның дінаралық байланысты нығайту мен дамытудағы ең маңызды жобасы – Әлемдік және дәстүрлі діндер лидерлерінің Съезінің тарихы мен дамуына ерекше назар аударып, оған ел Президенті Қасым-Жомарт Кемелұлы Тоқаевтың арнайы қатысуын атап өтті.