Акафист сенбісінде Митрополиттәк округтің Басшысы Рудный қаласындағы Иоанно-Богослов кафедралды соборында Литургияны өткізді

28 наурыз 2026 жыл – Ең Қасиетті  Құдай Анасын мадақтау мерекесі (Акафист сенбісі).

Синаксарьда (жарғылық ғибадаттық тағылымда) былай делінеді: «Ең  Құдай Анасын Құдайананың барлық ғажайып кереметтерінің құрметіне біз бүгінгі мейрамды атап өтеміз».

Астана және Қазақстан митрополиті Александр Қостанай епархиясының екінші кафедралды қаласы – Рудныйдағы Иоанно-Богослов кафедралды соборында қасиетті Иоанн Златоусттың Құдайлық Литургиясын өткізді.

Ғибадат басталар алдында Қостанай епархиясының дін қызметкерлері үшін храмда Тәубе ету Қасиетті Құпиясы рәсімі жасалды.

Литургия кезінде Митрополиттік округ Басшысына қызмет еткендер: Қостанай епархиясының хатшысы иеромонах Геннадий (Бурдюжа); Серафим храмының басшысы протоиерей Георгий Левинца; Митрополитік округ Басшысының жеке хатшысы иеромонах Димитрий (Байдек); Қостанай қаласындағы Константин-Елена кафедралды соборының дін қызметкері игумен Иннокентий (Помогалов); Рудный қаласындағы Богоявление храмының дін қызметкері протоиерей Михаил Пинаев; Арқалық қаласындағы Қасиетті Үштік храмының басшысы игумен Севастиан (Овсиенко); Лисаковск шіркеу округінің құрметті өкілі, Лисаковск қаласындағы қасиетті әділ Иоанн Кронштадтский атындағы храмның басшысы протоиерей Олег Калмыков; митрополит хатшылығының жетекшісі иеромонах Прохор (Ендовицкий); Митрополитік округ Басшысының әкімшілік хатшылығының жетекшісі иерей Георгий Сидоров; митрополиттің хаттама қызметінің жетекшісі протодиакон Роман Головин; протодиакон Владимир Сыровацкий; Қостанай епархиясының храмдары басшылары мен дін қызметкерлері.

Сенушілердің дұғамен тағзым етуі және рухани қолдау алуы үшін Никольский храмына Құдайдың адамы, қасиетті Алексийдің киелі жәдігерлері салынған кеме жеткізілді.

Қостанай қаласындағы Константино-Еленинский соборының хоры Т. Жебрактың жетекшілігімен ән айтты.

Қасиетті Құпия рәсімінен кейінгі уағызды иерей Георгий Сидоров оқыды.

Литургия Құдай Анасын мадақтаумен аяқталды. Осыдан кейін митрополит жиналғандарды Көк Патшайымы құрметіне арналған мейрам – Акафист сенбісімен құттықтап, уағызын айтты.

Алдағы Қасиетті Пасха мерекесіне орай Қостанай епархиясының бірқатар дін қызметкерлері шіркеулік-иерархиялық марапаттарға ие болды:

Қостанай қаласындағы Константино-Еленинский кафедралды соборының дін қызметкері протоиерей Виталий Клебаға «Иже херувимыға» дейін патшалық қақпалар ашық тұрған кезде Литургияда қызмет ету құқығы берілді;

Рудный қаласындағы Иоанно-Богослов кафедралды соборының дін қызметкері протоиерей Михаил Пинаевқа «Отче наш» дейін патшалық қақпалар ашық тұрған кезде Литургияны қызмет ету құқығы берілді;

Иоанно-Богослов кафедралды соборының кілтшісі иерей Евгений Бекмансуровқа, Жітіқара қаласындағы Пантелеимон храмының басшысы иерей Игорь Нестеровқа және Қостанай қаласындағы Михаило-Архангельский храмының дін қызметкері иерей Георгий Куслиевке алтын түсті көкірек крестін тағу құқығы берілді.

Шіркеулік марапаттар табысталғаннан кейін Жоғары мәртебелі әмірші марапатталған дін қызметкерлерін құттықтап, Қазақстан жеріндегі Христос Шіркеуінің игілігі жолындағы алдағы еңбектеріне Құдайдың көмегін тіледі.

Құдайлық литургия аяқталғаннан кейін Иоанно- Богослов кафедралды соборының собор үйінде Астана және Қазақстан митрополиті Александрдың қала әкімі В.Н. Ионенкомен кездесуі өтті. Кездесуге Қостанай епархиясының хатшысы иеромонах Геннадий (Бурдюжа) қатысты. Кездесудің негізгі тақырыбы қалалық әкімдік пен Митрополиттік округтің Қостанай епархиясы арасындағы бірлескен мәдени-ағартушылық және әлеуметтік-қайырымдылық жобаларды жүзеге асыру аясындағы өзара іс-қимыл мәселелері болды.

«Аса Қасиетті Владичицаға дұға ететін әрбір адам бүкіл әлем мен әрбір жеке жанға қатысты Құдайдың қамқорлығының құпиясына ортақтасып, Құдай Анасының дұғалары арқылы әділдер мен күнәкарларға төгілетін Иеміздің сүйіспеншілігін сезінеді. «Құдайды тануға кім жетеді? Сен арқылы, Ең Қасиетті! – деп дауыстайды Константинополь патриархы, әулие Герман. – Кім құтқарылады? Сен арқылы, Құдай Анасы! Кім қауіп-қатерден арылады? Сен арқылы, Қыз Ана! Кім мейірімге бөленеді? Сен арқылы, Құдай рақымына кенелген!» Көк Патшайымының құрметіне арналған ерекше ғибадат – Оған Акафист айту – Ұлы посттың соңына таман орындалады. Дәл осы кезде біз дұға, тәубе, ізгі істер мен ұстамдылық арқылы күнәлі былғаныштан тазарамыз. Сөзсіз, осы күндердің ерекше рухани күйі бізге өміріміздің барлық күндерінде Құдай Анасының өзімізге төгетін рақымының күшін тереңірек сезінуге және Оның сүйіспеншілігіне жүрекпен үн қатуға жәрдемдеседі. Шіркеудің ұлы ұстазы, әулие Григорий Богословтың сөзімен айтқанда: «Бұлт күн сәулесінің нұрын қалай көлегейлесе, өз күнәларын мойындап, олардан бас тартқысы келмейтін күнәкар да Құдай сүйіспеншілігінің сәулесін және Құдай Анасының мейірімін өзінен солай жасырады». Сондықтан осы күні Ең Қасиетті Құдай Анасының құрметіне бағыштайтын барлық дұғаларымыз бен мадақтарымызды күнәларымыздың кешірілуі, өміріміздің Інжіл өсиеттеріне сай түзелуі және бізге христиандық ізгіліктердің даритыны туралы шынайы өтінішпен ұштастырайық». Астана және Қазақстан митрополиті Александрдың уағызынан.